ઐશ્વર્યા રાય-અભિષેકની પુત્રીને લઈ ચાલ્યા ફેક ન્યૂઝ, આરાધ્યા બચ્ચને હાઈકોર્ટમાં લગાવી ગુહાર

બોલિવૂડ અભિનેતા અભિષેક બચ્ચન અને ઐશ્વર્યા રાય બચ્ચનની 11 વર્ષની પુત્રી આરાધ્યા બચ્ચને કેટલીક યુટ્યુબ ચેનલો સામે દિલ્હી હાઈકોર્ટમાં અરજી કરી છે. થોડા દિવસો પહેલા આ યુટ્યુબ ચેનલોએ આરાધ્યાના સ્વાસ્થ્યને લઈને ફેક ન્યૂઝ ચલાવ્યા હતા. પોતાની અરજીમાં આરાધ્યાએ આ ચેનલો અને તેના કન્ટેન્ટ પર પ્રતિબંધ મૂકવાની માંગ કરી છે. દિલ્હી હાઈકોર્ટ આ મામલે 20 એપ્રિલ એટલે કે આજે સુનાવણી કરશે.

ટાઈમ્સ ઓફ ઈન્ડિયાના અહેવાલ મુજબ, એક યુટ્યુબ ટેબ્લોઈડ દ્વારા ફેક ન્યૂઝ બતાવવામાં આવ્યા હતા, જેમાં આરાધ્યાના સ્વાસ્થ્યને લઈને ખોટા સમાચાર આપવામાં આવ્યા હતા. આ જોઈને બચ્ચન પરિવાર ખૂબ ગુસ્સે થઈ ગયો. આવી સ્થિતિમાં આરાધ્યા તરફથી હાઈકોર્ટમાં અરજી દાખલ કરવામાં આવી છે. રિપોર્ટ અનુસાર, 2 યુટ્યુબ ચેનલ અને 1 વેબસાઈટ વિરુદ્ધ અરજી દાખલ કરવામાં આવી છે.

જણાવી દઈએ કે આરાધ્યા બચ્ચન સુપરસ્ટાર અમિતાભ બચ્ચનની પૌત્રી છે. આરાધ્યા બચ્ચન ઘણીવાર ચર્ચામાં રહે છે. આરાધ્યા ઘણીવાર તેની માતા ઐશ્વર્યા રાય બચ્ચન અને પરિવાર સાથે હાઈ પ્રોફાઈલ ઈવેન્ટ્સ અને પાર્ટીઓમાં જોવા મળે છે.

ધીરુભાઈ અંબાણી ઈન્ટરનેશનલ સ્કૂલની 11 વર્ષની વિદ્યાર્થિની ઘણીવાર તેના માતા-પિતા સાથે હાઈ-પ્રોફાઈલ ઈવેન્ટ્સમાં જોવા મળે છે. તાજેતરમાં, તે મુંબઈમાં નીતા મુકેશ અંબાણી કલ્ચરલ સેન્ટરના સ્ટાર-સ્ટડેડ લોંચમાં જોવા મળી હતી.

આરાધ્યાએ તાજેતરમાં 16 નવેમ્બરે તેનો 11મો જન્મદિવસ ઉજવ્યો હતો. આ ખાસ અવસર પર બચ્ચન પરિવારે ઘરે ભવ્ય પાર્ટી આપી હતી. આ ભવ્ય પાર્ટીમાં બોલિવૂડ ઈન્ડસ્ટ્રીના તમામ મોટા સ્ટાર્સ સામેલ થયા હતા.

આ પણ વાંચો - Microsoftએ તેના એડવર્ટાઇઝમેન્ટ પ્રોગ્રામમાંથી Twitterને હટાવ્યું, મસ્કએ વ્યક્ત કરી નારાજગી