Amritsar: સુવર્ણ મંદિર પાસે વધુ એક બ્લાસ્ટ, 7 દિવસમાં ત્રીજા વિસ્ફોટથી હડકંપ, 2 શકમંદોની પોલીસે કરી અટકાયત

Amritsar: પંજાબના અમૃતસરમાં સુવર્ણ મંદિર પાસે વિસ્ફોટ થયો છે. આ બ્લાસ્ટના કારણે વિસ્તારમાં ભયનો માહોલ છે. છેલ્લા 7 દિવસમાં આ ત્રીજો બ્લાસ્ટ છે. જો કે, આ વખતે જે જગ્યાએ બ્લાસ્ટ થયો હતો તે પહેલા બ્લાસ્ટની જગ્યાથી સાવ અલગ હતી. નવા વિસ્ફોટ પ્રથમ ઘટના સ્થળથી લગભગ બે કિલોમીટર દૂર થયો હતો. સુવર્ણ મંદિર નજીક તાજો વિસ્ફોટ કોરિડોર બાજુ પર શ્રી ગુરુ રામદાસ સરાય પાસે સવારે 1 વાગ્યે થયો હતો. પોલીસે ઘટનાસ્થળે પહોંચીને મામલાની તપાસ હાથ ધરી છે. અગાઉ 6ઠ્ઠી મે અને 8મીએ બ્લાસ્ટ થયા હતા.

સૂત્રોના જણાવ્યા અનુસાર પોલીસે એક યુવક અને યુવતીની અટકાયત કરી છે. બંનેને નજીકની ધર્મશાળામાંથી કસ્ટડીમાં લેવામાં આવ્યા છે. પ્રાપ્ત માહિતી અનુસાર અટકાયત કરાયેલા યુવકની બેગમાંથી કેટલાક ઈન્જેક્શન પણ મળી આવ્યા છે.

વિસ્ફોટનો અવાજ સાંભળ્યા બાદ શ્રી ગુરુ રામદાસ સરાયને ખાલી કરાવવામાં આવ્યું છે. જે જગ્યાએ બ્લાસ્ટના સમાચાર છે તેને દોરડાથી બાંધી દેવામાં આવ્યા છે. સૂત્રોના જણાવ્યા અનુસાર પોલીસે જે યુવકની અટકાયત કરી છે તેનું નામ યાદવીર સિંહ છે અને તે ગુરદાસપુરનો રહેવાસી છે. તેની પાસેથી મળેલી બેગમાંથી કેટલીક વિસ્ફોટક સામગ્રી પણ મળી આવી છે. બીજી તરફ પંજાબ પોલીસના ડીજીપીએ ટ્વીટ કરીને જણાવ્યું કે અમૃતસરમાં ઓછી તીવ્રતાના બ્લાસ્ટનો ઉકેલ આવી ગયો છે. જેમાં 5 લોકોની ધરપકડ કરવામાં આવી છે. ટ્વીટમાં કહેવામાં આવ્યું છે કે પંજાબ પોલીસ આજે પ્રેસ કોન્ફરન્સ કરશે.

Press Conference will be held in #Amritsar @PunjabPoliceInd committed to maintaining peace and harmony in Punjab as per directions of CM @BhagwantMann

— DGP Punjab Police (@DGPPunjabPolice) May 11, 2023

#WATCH | Amritsar: Visuals from outside the building of Shri Guru Ramdas Ji Niwas from where suspects were rounded up in the aftermath of a loud sound, that was heard near the Golden Temple, which, as per the police, could be another explosion.#Punjab pic.twitter.com/CXzms3FdYw

— ANI (@ANI) May 10, 2023

પંજાબ પોલીસે શું કહ્યું?

મોડી રાત્રે થયેલા વિસ્ફોટ બાદ પંજાબ પોલીસ કમિશનર નૌનિહાલ સિંહે કહ્યું કે લગભગ 12.15-12.30ની આસપાસ જોરદાર અવાજ સંભળાયો. એવી શક્યતા છે કે તે અન્ય વિસ્ફોટ હોઈ શકે છે. અમને બિલ્ડિંગની પાછળ કેટલાક ટુકડાઓ મળ્યા છે પરંતુ અંધકારને કારણે અમે તે જાણવાનો પ્રયાસ કરી રહ્યા છીએ કે આ ટુકડાઓ વિસ્ફોટ સાથે સંબંધિત છે કે કેમ. આ પહેલા અમૃતસરમાં સુવર્ણ મંદિર પાસે હેરિટેજ સ્ટ્રીટ પાસે બે બ્લાસ્ટ થયા હતા. જેમાં એક વ્યક્તિને ઈજા થઈ હતી.

આ પણ વાંચો - PM મોદીએ રાજસ્થાનને આપી રુપિયા 5,500 કરોડની ભેટ, કહ્યું- 'કેટલાક લોકો દેશમાં કંઈ સારું થતું જોવા નથી માંગતા'