Car sales in India: ઓક્ટોબરમાં કારોનું ધૂમ વેચાણ! મારુતિ, મહિન્દ્રા, ટાટા કે હ્યુન્ડાઈ, જાણો કોણ રહ્યું નંબર-1?

Car sales in India: ઓક્ટોબર 2025માં ભારતના કાર બજારમાં ખરેખર ધમાકેદાર વેચાણ જોવા મળ્યું. દરેક મોટી કંપનીએ ગત વર્ષ કરતાં વધુ ગાડીઓ વેચી, અને ખાસ કરીને SUV અને ઇલેક્ટ્રિક વાહનોની માંગ ઊંચી રહી. ચાલો, એક નજર કરીએ કે કઈ કંપનીએ કેટલી ગાડીઓ વેચી અને કોણ બન્યું ટોચ પર.

મારુતિ સુઝુકી – ફરી એકવાર નંબર-1

મારુતિ સુઝુકી ઇન્ડિયા લિમિટેડે ઓક્ટોબરમાં 2,20,894 ગાડીઓ વેચી, જે ગત વર્ષના 2,06,434 કરતાં 7% વધુ છે. આ સાથે કંપનીએ ઘરેલું બજારમાં 1,80,675 યુનિટનું ઓલટાઇમ હાઇ બનાવ્યું. યાત્રી વાહનોનું વેચાણ 1,76,318 યુનિટ થયું, જે ગત વર્ષ કરતાં નોંધપાત્ર વધારો દર્શાવે છે.

મહિન્દ્રા – SUVનો બાદશાહ

ટાટા મોટર્સ – ઇલેક્ટ્રિકમાં ધમાકો

ટાટા મોટર્સ પેસેન્જર વ્હીકલ્સે 61,295 યુનિટ વેચી, 26.6%ની વૃદ્ધિ નોંધાવી. આ બીજા મહિને સતત રેકોર્ડ બનાવ્યો. SUVનું વેચાણ 47,000થી વધુ રહ્યું, જ્યારે ઇલેક્ટ્રિક વાહનોનું વેચાણ 9,286 યુનિટ થયું – 73.4%નો વધારો! ગત વર્ષે આ આંકડો માત્ર 5,355 હતો.

હ્યુન્ડાઈ, ટોયોટા, કિયા અને સ્કોડા પણ આગળ

- હ્યુન્ડાઈ મોટર ઇન્ડિયા: કુલ 69,894 યુનિટ (ઘરેલું 53,792 + નિકાસ 16,102)

- ટોયોટા કિર્લોસ્કર મોટર: 42,892 યુનિટ, 39% વધારો (નિકાસ 2,635)

- કિયા ઇન્ડિયા: 29,556 યુનિટ, 30% વધારો – ભારતમાં એન્ટ્રી પછીનો સર્વોચ્ચ આંકડો

- સ્કોડા ઓટો ઇન્ડિયા: 8,252 યુનિટ – કંપનીની સૌથી વધુ માસિક વેચાણ

ઓક્ટોબર 2025માં મારુતિ સુઝુકી સૌથી વધુ 2,20,894 યુનિટ સાથે ટોચ પર રહી. મહિન્દ્રા SUVમાં, ટાટા EVમાં અને ટોયોટા-કિયા પ્રીમિયમ સેગમેન્ટમાં મજબૂત દેખાયા. બજારમાં SUV અને ઇલેક્ટ્રિકની માંગ સતત વધી રહી છે, જે આવનારા મહિનાઓમાં પણ ચાલુ રહે તેવી શક્યતા છે.

આ પણ વાંચો-