June Auto Sales: મારૂતિ સુઝુકીનું વેચાણ વધ્યુ, અસ્કૉર્ટ્સ કુબોટાનું વેચાણ ઘટ્યુ

June Auto Sales: ઓટોમોબાઈલ કંપનીઓના જૂન મહિનાના વેચાણના આંકડા મિશ્ર રહ્યા છે. જોકે, મોટાભાગની ઓટોમોબાઈલ કંપનીઓ માટે નિકાસમાં ઘટાડો ચિંતાનો વિષય રહ્યો હતો. ઓટો દિગ્ગજ મારુતિ સુઝુકી ઈન્ડિયાએ જૂન 2022 માં 1.59 લાખ ગાડીઓનું વેચાણ કર્યું છે. જ્યારે જૂન 2023માં કંપનીએ 1.56 લાખ ગાડીઓનું વેચાણ કર્યું હતું. જૂન મહિનામાં કંપનીના કુલ વેચાણમાં વાર્ષિક ધોરણે 2 ટકાનો વધારો જોવા મળ્યો છે. જોકે, જૂન મહિના માટે કંપનીનું કુલ વેચાણ બ્રોકિંગ ફર્મ નોમુરાના 1.68 લાખ યુનિટના અંદાજ કરતાં ઓછું હતું.

જુન મહિનામાં મારુતિનું કુલ સ્થાનિક વેચાણ પણ વાર્ષિક ધોરણે 6.1 ટકા વધીને 1.40 લાખ યુનિટ થયું છે. જ્યારે ગયા વર્ષે આ જ મહિનામાં આ આંકડો 1.32 લાખ યુનિટ હતો. સ્થાનિક બજારમાં પેસેન્જર વાહનોનું વેચાણ પણ ગયા વર્ષે 1.23 લાખ યુનિટની સરખામણીએ આ સમયગાળા દરમિયાન 8.1 ટકા વધીને 1.33 લાખ યુનિટ થયું હતું. જૂન મહિનામાં નિકાસ નબળી રહી છે કારણ કે તે વાર્ષિક ધોરણે 17 ટકા ઘટીને 19770 એકમો રહી ગયા.

એસ્કોર્ટ્સ કુબોટાની નિકાસ જૂનમાં વાર્ષિક ધોરણે 26.2 યુનિટ ઘટીને 580 યુનિટ થઈ છે. જૂન 2023માં એસ્કોર્ટ્સ કુબોટાનું કુલ વેચાણ પણ 2 ટકા ઘટીને 9850 યુનિટ થયું હતું જે ગયા વર્ષે જૂનમાં 10051 યુનિટ હતું. ઘરેલું વેચાણ પણ ગત વર્ષે વેચાયેલા 9265 યુનિટની સરખામણીએ 9270 યુનિટ પર મોટા પ્રમાણમાં યથાવત રહ્યું છે.

અતુલ ઑટોનું વેચાણ ઘટ્યુ

જુન 2023 માં અતુલ ઑટોનું વેચાણ વર્ષના આધાર પર 30.3 ટકા ઘટીને 1267 યૂનિટ રહ્યુ છે. જ્યારે, જુન 2022 માં અતુલ ઑટોનું વેચાણ 1818 યૂનિટ રહ્યુ હતુ.

બજારે ગત સપ્તાહે ઘટાડો સમાપ્ત કરી દીધો, બધા સેક્ટર લીલા નિશાનમાં દેખાયા

SML Isuzu નું વેચાણ 3% ઘટયુ

જુન 2023 માં SML Isuzu નું વેચાણ વર્ષના આધાર પર 3 ટકા ઘટીને 1279 યૂનિટ રહ્યુ છે. જ્યારે, જુન 2022 માં અતુલ ઑટોનું વેચાણ 1322 યૂનિટ રહ્યુ હતુ.

હ્યુન્ડાઈ મોટરનું વેચાણ 5 ટકા વધ્યુ

હ્યુન્ડાઈ મોટર ઈન્ડિયા લિમિટેડે જૂન 2023માં 65,601 યુનિટ્સનું વેચાણ કર્યું હતું, જે જૂન 2022માં વેચાયેલા 62,351 યુનિટથી 5 ટકા વધુ છે. આ સમયગાળા દરમિયાન કંપનીનું સ્થાનિક વેચાણ 50,001 યુનિટ રહ્યું છે, જે એક વર્ષ અગાઉના ગાળામાં 49,001 યુનિટની સરખામણીએ 2 ટકા વધુ છે. જોકે, મારુતિ સુઝુકીથી વિપરીત હ્યુન્ડાઈની નિકાસમાં જૂનમાં 17 ટકાનો વધારો જોવા મળ્યો છે.

એમજી મોટરનું વેચાણ 14 ટકા વધ્યુ

જૂન 2023માં એમજી મોટર ઇન્ડિયાનું રિટેલ વેચાણ 14 ટકા વધીને 5125 યુનિટ થયું છે, જે ત્રિમાસિક-દર-ક્વાર્ટરના આધારે 40 ટકા વધારે છે. કંપનીએ જણાવ્યું હતું કે ચક્રવાત બાયપરજોયે સપ્લાયને અસર કરી છે, પરંતુ ગ્રાહકો તરફથી માંગમાં વધારો થવાની અપેક્ષા છે.