Indian Railway: ભારતીય રેલવેનો મોટો નિર્ણય, 2 વર્ષમાં 10,000 નોન-એસી કોચ બનશે, સામાન્ય લોકોને મળશે રાહત

Indian Railway: રેલવે સામાન્ય માણસ માટે મોટી ભેટ લઈને આવ્યું છે. રેલવે આગામી બે વર્ષમાં 10,000 નોન-એસી કોચ બનાવશે. જેનો લાભ સામાન્ય લોકોને મળશે. આ મુસાફરીની વધતી માંગને પહોંચી વળશે. રેલવે મંત્રી અશ્વિની વૈષ્ણવે આ જાહેરાત કરી છે. તેમણે કહ્યું કે 2024-25માં 4,485 કોચ અને 2025-26માં 5,444 કોચ બનાવવામાં આવશે. આમાંના મોટાભાગના કોચ સામાન્ય શ્રેણીના હશે. તાજેતરમાં રેલવેએ બે નવી 'અમૃત ભારત' ટ્રેનો શરૂ કરી છે. આમાં AC વગરના કોચ છે. આ ટ્રેનો સામાન્ય માણસને ધ્યાનમાં રાખીને બનાવવામાં આવી છે. આમાં ઘણી વિશેષ સુવિધાઓ આપવામાં આવી છે. બંને તરફ એન્જિન હોવાને કારણે આ ટ્રેનો 130 કિલોમીટર પ્રતિ કલાકની ઝડપે દોડી શકે છે.

ઓછા પાવર વપરાશની ટ્રેનો પર ધ્યાન

આ બધા સિવાય રેલ્વે હવે એવી ટ્રેનો બનાવવા પર પણ ધ્યાન કેન્દ્રિત કરી રહી છે જે ઓછી વીજળી વાપરે અને વધુ ઝડપે દોડી શકે. વંદે ભારત એક્સપ્રેસ પછી, રેલ્વે હવે વંદે મેટ્રો (ટૂંકા અંતર માટે) અને વંદે ભારત સ્લીપર (લાંબા અંતર માટે) ટ્રેનો બનાવી રહી છે.

100 દિવસના એજન્ડામાં શું છે લક્ષ્ય?

તેના 100 દિવસના એજન્ડામાં, મોદી સરકારે વંદે મેટ્રો અને વંદે ભારત સ્લીપર ટ્રેનના પ્રથમ પ્રોટોટાઇપને ટેસ્ટિંગ માટે ટ્રેક પર મૂકવાનો લક્ષ્યાંક રાખ્યો છે. વંદે મેટ્રો ટ્રેનનું નિર્માણ RCF કપૂરથલા અને ICF ચેન્નાઈ દ્વારા કરવામાં આવી રહ્યું છે. જ્યારે વંદે ભારત સ્લીપર ટ્રેન BEML દ્વારા બનાવવામાં આવી રહી છે. રેલ્વે મંત્રી અશ્વિની વૈષ્ણવે ગયા મહિને કહ્યું હતું કે વંદે ભારત સ્લીપર ટ્રેન 15 ઓગસ્ટ સુધીમાં ટ્રાયલ માટે તૈયાર હોવી જોઈએ.

આ પણ વાંચો-Gujarat News: FDI પ્રવાહમાં ગુજરાતે માર્યું મેદાન, નાણાકીય વર્ષ 2023-24માં 55 ટકાથી વધુ FDI પ્રવાહ