China Silver Export Rules: શું હવે ચાંદી પણ બનશે ‘રેર અર્થ’? ચીનની આ એક ચાલથી ભારત સહિત દુનિયાભરમાં ફફડાટ!

China Silver Export Rules: ચીન અવારનવાર પોતાના નિર્ણયોથી આખી દુનિયાને ચોંકાવી દેતું હોય છે. ભૂતકાળમાં રેર અર્થ એલિમેન્ટ્સને લઈને ચીને જે નિર્ણય લીધો હતો, તેનાથી ગ્લોબલ માર્કેટમાં હલચલ મચી ગઈ હતી. હવે ફરી એકવાર ડ્રેગને કંઈક એવી જ ચાલ ચાંદીને લઈને રમી છે. ચીનના આ નવા નિર્ણયને કારણે ભારત સહિત અમેરિકા અને સમગ્ર વિશ્વમાં ચિંતાનું મોજું ફરી વળ્યું છે. નિષ્ણાતોનું માનવું છે કે ચીનની આ ચાલને કારણે આવનારા સમયમાં ચાંદીના ભાવમાં જબરદસ્ત ઉછાળો આવી શકે છે.

ચીનનો ચાંદી પર દબદબો

શું છે ચીનનો નવો નિયમ?

પોતાના આ વર્ચસ્વનો ફાયદો ઉઠાવીને ચીને એક મોટો નિર્ણય લીધો છે. ચીને જાહેરાત કરી છે કે 1 જાન્યુઆરી 2026થી ચાંદીના એક્સપોર્ટ પર કડક નિયંત્રણો લાગુ કરવામાં આવશે. આ નવા નિયમ મુજબ, હવે કોઈપણ કંપની સરકારી લાયસન્સ વગર ચીનની બહાર ચાંદી વેચી શકશે નહીં. જે રીતે ચીને રેર અર્થ મિનરલ્સ પર કંટ્રોલ કર્યો હતો, હવે તે જ રણનીતિ ચાંદી પર અપનાવી રહ્યું છે.

કોને મળશે લાયસન્સ?

ચીને ચાંદીની નિકાસ માટે ખૂબ જ કડક શરતો રાખી છે. માત્ર અમુક મોટી અને સરકાર માન્ય કંપનીઓને જ એક્સપોર્ટ કરવાની છૂટ મળશે. આ માટે કંપનીઓ પાસે મોટું પ્રોડક્શન અને ક્રેડિટ લાઈન હોવી જરૂરી છે. અત્યાર સુધી માત્ર 44 કંપનીઓને જ આ માટેની મંજૂરી આપવામાં આવી છે.

ચાંદીના ભાવ પર શું થશે અસર?

સ્વાભાવિક છે કે જ્યારે માર્કેટમાં સપ્લાય ઘટે, ત્યારે ભાવ વધે છે. ચીન 60થી 70 ટકા ચાંદી કંટ્રોલ કરે છે, તેથી જો તે એક્સપોર્ટ ઓછું કરી દેશે તો દુનિયાભરમાં ચાંદીની અછત સર્જાઈ શકે છે. અત્યારે સોલર પેનલ, ઈલેક્ટ્રોનિક્સ અને ઈલેક્ટ્રિક વ્હીકલ (EV) સેક્ટરમાં ચાંદીની જબરદસ્ત માંગ છે. આવામાં સપ્લાય ઘટતા ચાંદીના ભાવ રેકોર્ડ સ્તરે પહોંચી શકે છે. એક્સપર્ટ્સ માને છે કે ચાંદી હવે ભાગ્યે જ સસ્તી થશે.

ચીન આવું કેમ કરી રહ્યું છે?

આ નિર્ણય પાછળ ચીનની એક મોટી રણનીતિ કામ કરી રહી છે. ચીન માટે ચાંદી માત્ર રોકાણ કે ઉદ્યોગની વસ્તુ નથી, પણ બીજા દેશો પર દબાણ બનાવવાનું સાધન છે.

ઘરેલુ માંગ: ચીન દુનિયાનો સૌથી મોટો સોલર પેનલ અને EV ઉત્પાદક દેશ છે. તેને પોતાના ઉદ્યોગો માટે જંગી માત્રામાં ચાંદીની જરૂર છે.

વર્ચસ્વ: સપ્લાય ચેઈન પર કંટ્રોલ કરીને ચીન અમેરિકા અને યુરોપ જેવા દેશો સામે પોતાની વાત મનાવવા માટે બાર્ગેનિંગ પાવર વધારવા માંગે છે.

ટૂંકમાં કહીએ તો, ચીનની આ ચાલને કારણે આગામી સમયમાં ચાંદીના દાગીનાથી લઈને સોલર પેનલ સુધી બધું મોંઘું થઈ શકે છે. ભારત જે પોતાની જરૂરિયાત માટે આયાત પર નિર્ભર છે, તેના પર પણ આની સીધી અસર જોવા મળશે.

આ પણ વાંચો-મોંઘવારીનો વધુ એક માર: ACથી લઈને રસોડાના વાસણો થશે મોંઘા! જાણો કયા 2 મેટલના કારણે વધશે ભાવ?