Maldives: PM મોદીની લક્ષદ્વીપ મુલાકાત પર માલદીવના મંત્રીની પોસ્ટ પર વિવાદ, સોશિયલ મીડિયા પર ભડક્યાં યુઝર્સ

Maldives: વડાપ્રધાન નરેન્દ્ર મોદીએ તાજેતરમાં લક્ષદ્વીપની મુલાકાત લીધી હતી. પીએમ મોદીની લક્ષદ્વીપ મુલાકાતની તસવીરો સોશિયલ મીડિયા પર વાયરલ થઈ અને ભારતમાં માલદીવ અને લક્ષદ્વીપ વચ્ચેની સરખામણી શરૂ થઈ ગઈ. વાસ્તવમાં પીએમ મોદીએ દેશવાસીઓને લક્ષદ્વીપ જવાની અપીલ પણ કરી હતી. આ સરખામણી એટલી વધી ગઈ કે માલદીવની સરકાર પણ ચિંતિત થઈ ગઈ. હવે આ મામલે માલદીવના એક મંત્રી દ્વારા કરવામાં આવેલી પોસ્ટને લઈને વિવાદ ઉભો થયો છે.

માલદીવના મંત્રીઓએ તાક્યું નિશાન

માલદીવના અન્ય એક નેતા ઝાહિદ રમીઝે સોશિયલ મીડિયા પર PM મોદી દ્વારા લક્ષદ્વીપમાં પ્રવાસન વધારવા વિશે લખ્યું, 'આ એક સારું પગલું છે, પરંતુ અમારી સાથે સ્પર્ધા કરવી એ એક ભ્રમણા છે. તેઓ આપણા જેવી સેવા કેવી રીતે આપશે? વળી, ત્યાંના બીચ સાફ કેવી રીતે રહી શકશે? રૂમમાં હંમેશા રહેતી ગંધ પણ સૌથી મોટો પડકાર છે.

What a great move! It's a big setback to the new Chinese puppet gvt of Maldives. Also, it will boost tourism in #Lakshadweep pic.twitter.com/gsUX9KrNSB

— Mr Sinha (@MrSinha_) January 4, 2024

ભારત-માલદીવના સંબંધોમાં તણાવ

ભારત અને માલદીવ નજીકના સાથી છે પરંતુ તાજેતરના સમયમાં બંને દેશો વચ્ચેના સંબંધોમાં થોડો તણાવ જોવા મળ્યો છે. વાસ્તવમાં, નવેમ્બર 2023માં માલદીવમાં યોજાયેલી સામાન્ય ચૂંટણીમાં મોહમ્મદ મુઈઝુએ જીત મેળવી છે. મુઇજ્જુને ચીનની નજીક માનવામાં આવે છે. આ જ કારણ છે કે મુઈઝુએ વિજય બાદ તરત જ માલદીવમાં તૈનાત ભારતીય સેનાને પાછી ખેંચવાની જાહેરાત કરી હતી. મુઈઝુએ માલદીવની ઈન્ડિયા ફર્સ્ટ નીતિમાં પણ ફેરફાર કર્યો છે.

આ પણ વાંચો - Ram Mandir: પ્રાણ પ્રતિષ્ઠા, કાશીની કહાનીથી રામાયણ પર શોધ કરાવશે BHU, રામના આદર્શો સાથે રૂબરૂ થશે યુવાનો