શેરબજારમાં રોકાણના નામે લાખોની છેતરપિંડી, મહેસાણાના 5 લોકોની મુંબઈથી ધરપકડ

ગુજરાત સીઆઈડી (ક્રાઈમ) ના સાયબર ક્રાઈમ સેલે બુધવારે મહારાષ્ટ્રના થાણેના મીરા રોડ પરથી પાંચ લોકોની ધરપકડ કરી હતી, જેઓ શેરબજારમાં રોકાણ સલાહ આપવાના નામે લોકોને છેતરવા માટે ગેરકાયદેસર કોલ સેન્ટર ચલાવી રહ્યા હતા. સુરેન્દ્રનગરના અશોક પટેલ અને રાજપીપળાના કલ્યાણી પાટીલ- બે પીડિતોએ ફરિયાદ નોંધાવ્યા બાદ સાયબર ક્રાઇમ સેલે તપાસ શરૂ કરી હતી. ધરપકડ કરાયેલા આરોપીઓમાં મોહમ્મદ ઝાહિદ શેખ, શકીલ ચૌહાણ, ફૈઝાન ચૌહાણ, મોહમ્મદ જુનૈદ શેખ અને રમીઝ શિપાઈનો સમાવેશ થાય છે. બધા આરોપીઓ ગુજરાતના મહેસાણા જિલ્લાના રહેવાસી છે.

પીડિતો આ રીતે જાળમાં ફસાઈ ગયા

આરોપીઓએ ડમી સિમ કાર્ડનો ઉપયોગ કરીને છેતરપિંડી કરી

સાયબર ક્રાઈમ ટીમે આરોપીઓના મોબાઈલ ફોન ટ્રેક કર્યા અને જાણવા મળ્યું કે તેઓ ગેરકાયદેસર રીતે ડમી સિમ કાર્ડ મેળવીને પોતાનું કામ કરતા હતા. મીરા રોડ સ્થિત એક ફ્લેટ પર દરોડા દરમિયાન પાંચેય આરોપીઓની ધરપકડ કરવામાં આવી હતી. ટીમોએ ૧૩ મોબાઈલ ફોન, ચાર ડેબિટ કાર્ડ અને પીડિતોનો સંપર્ક કરવા માટે ઉપયોગમાં લેવાતા મોબાઈલ નંબરોની યાદી પણ જપ્ત કરી હતી.

આ પણ વાંચો-અક્ષય કુમારે પીએમ મોદીનો ખાસ વીડિયો કર્યો શેર, પ્રધાનમંત્રીએ આપેલી સલાહની અભિનેતાએ કરી પ્રશંસા