નાણા મંત્રાલયે જાહેર ક્ષેત્રની બેન્કોના વડાઓ સાથેની બેઠકની તારીખ લંબાવી, હવે આ દિવસે આ મુદ્દાઓ પર થશે ચર્ચા

નાણાં મંત્રાલયે 4 માર્ચે જાહેર ક્ષેત્રની બેન્કોના વડાઓ સાથેની સમીક્ષા બેઠક એક દિવસ માટે મુલતવી રાખી છે. મંત્રાલય હવે 5 માર્ચે જાહેર ક્ષેત્રની બેન્કો (PSBs)ના વડાઓ સાથે કામગીરી સમીક્ષા બેઠક યોજશે. પીટીઆઈના સમાચાર અનુસાર, સૂત્રોએ જણાવ્યું હતું કે નાણાકીય સેવા સચિવ એમ નાગરાજુની અધ્યક્ષતામાં યોજાનારી આ બેઠકમાં નાણાકીય સમાવેશ યોજનાઓના નાણાકીય પર્ફોમન્સ અને પ્રગતિની સમીક્ષા કરવામાં આવશે. ચાલુ નાણાકીય વર્ષના એપ્રિલ-ડિસેમ્બરના સમયગાળામાં, 12 જાહેર ક્ષેત્રની બેન્કોએ અત્યાર સુધીનો સૌથી વધુ 1.29 લાખ કરોડ રૂપિયાનો ચોખ્ખો નફો નોંધાવ્યો છે, જે વાર્ષિક ધોરણે 31.3 ટકાનો ગ્રોથ દર્શાવે છે.

બજેટ પછીની પહેલી બેઠક

સમાચાર અનુસાર, સંસદમાં કેન્દ્રીય બજેટ 2025-26 રજૂ થયા પછી આ પહેલી બેઠક હશે. સમીક્ષા હેઠળના સમયગાળા દરમિયાન જાહેર ક્ષેત્રની બેન્કો (PSBs)ના પર્ફોમન્સમાં રેકોર્ડ ચોખ્ખા નફામાં ગ્રોથ, સુધારેલી સંપત્તિ ગુણવત્તા અને પર્યાપ્ત મૂડી બફરના નિર્માણ જેવા મુખ્ય નાણાકીય પરિમાણોમાં નોંધપાત્ર સુધારો જોવા મળ્યો છે. મંત્રાલય બેન્કોના નાણાકીય પર્ફોમન્સ અને નાણાકીય સમાવેશ યોજનાઓની પ્રગતિની સમીક્ષા કરશે. સરકારે તાજેતરમાં જાહેર ક્ષેત્રની બેન્કોમાં વરિષ્ઠ અધિકારીઓ માટે સુધારેલી કામગીરી આધારિત પ્રોત્સાહન યોજના રજૂ કરી છે.

કુલ ટર્નઓવરમાં વધારો

12 જાહેર ક્ષેત્રની બેન્કોએ નાણાકીય વર્ષના નવ મહિનામાં 31.3 ટકા (y-o-y) ના ચોખ્ખા નફામાં વૃદ્ધિ નોંધાવી હતી, જેના પરિણામે અત્યાર સુધીનો સૌથી વધુ કુલ ચોખ્ખો નફો રુપિયા 1,29,426 કરોડ અને કુલ ઓપરેટિંગ નફો રુપિયા 2,20,243 કરોડ થયો હતો.

આ પણ વાંચો - Air India broken seats: ‘સૌથી ખરાબ એરલાઈન્સ, તમામ રેકોર્ડ તોડ્યા', શિવરાજ પછી બીજેપી પ્રવક્તા જયદીપ શેરગીલ એર ઈન્ડિયા પર ભડક્યા