તિરુપતિમાં ભાગદોડ કેવી રીતે થઈ? 6 શ્રદ્ધાળુઓએ જીવ ગુમાવ્યા, સામે આવ્યો વીડિયો

આંધ્રપ્રદેશના તિરુપતિમાં ભાગદોડમાં છ શ્રદ્ધાળુઓના મોત થયા છે અને 40 લોકો ઘાયલ થયા છે. જે સમયે આ ભાગદોડ થઈ, તે સમયે તિરુપતિના વિષ્ણુ નિવાસમ પાસે ટોકન મેળવવા માટે લગભગ 4 હજાર લોકોની ભીડ એકઠી થઈ હતી. ટોકનનું વિતરણ કરતી વખતે આ દુર્ઘટના થયો. પ્રધાનમંત્રી નરેન્દ્ર મોદી અને આંધ્રપ્રદેશના મુખ્યમંત્રી ચંદ્રબાબુ નાયડુએ આ ઘટના પર દુઃખ વ્યક્ત કર્યું છે.

ટિકિટ મેળવવા માટે મોટી ભીડ ઉમટી પડી

મળતી માહિતી મુજબ, તિરુમાલાના ભગવાન વેંકટેશ્વર સ્વામી મંદિરમાં થયેલી ભાગદોડમાં 6 ભક્તોના મોત થયા છે અને ઘણા લોકો ઘાયલ થયા છે. વૈકુંઠ દ્વાર દર્શનમની ટિકિટ મેળવવા માટે સેંકડો લોકો દોડધામ કરી રહ્યા હતા ત્યારે નાસભાગ મચી ગઈ. 10 જાન્યુઆરીથી શરૂ થઈ રહેલા 10 દિવસીય વૈકુંઠ દ્વાર દર્શન માટે દેશભરમાંથી સેંકડો ભક્તો અહીં આવ્યા છે. આ દરમિયાન, પોલીસનો એક વીડિયો સોશિયલ મીડિયા પર વાયરલ થઈ રહ્યો છે જેમાં કેટલીક મહિલા શ્રદ્ધાળુઓને CPR આપવામાં આવી રહ્યો છે અને ઘાયલોને એમ્બ્યુલન્સમાં લઈ જવામાં આવી રહ્યા છે.

પીએમ મોદી અને સીએમ નાયડુએ દુર્ઘટના પર દુઃખ વ્યક્ત કર્યું

પ્રધાનમંત્રી નરેન્દ્ર મોદી અને આંધ્રપ્રદેશના મુખ્યમંત્રી ચંદ્રબાબુ નાયડુએ તિરુપતિમાં થયેલી ભાગદોડની ઘટનામાં 6 શ્રદ્ધાળુઓના મોત પર ઊંડો શોક વ્યક્ત કર્યો છે. તેમણે અધિકારીઓને ઘટનાની તપાસ કરવા અને ઘાયલોને સારી સારવાર આપવા જણાવ્યું છે. તેઓ આજે તિરુપતિ પહોંચશે અને પીડિતોને મળશે. તમને જણાવી દઈએ કે આ દુર્ઘટના ત્યારે થઇ જ્યારે બૈરાગી પટ્ટીડા પાર્કમાં શ્રદ્ધાળુઓને કતારમાં ઉભા રહેવાની મંજૂરી આપવામાં આવી હતી. તમને જણાવી દઈએ કે વૈકુંઠ દ્વાર દર્શન 10 દિવસ માટે ખુલ્લું મૂકવામાં આવ્યું છે. ટોકન માટે હજારો લોકો અહીં ભેગા થવા લાગ્યા.

Pained by the stampede in Tirupati, Andhra Pradesh. My thoughts are with those who have lost their near and dear ones. I pray that the injured recover soon. The AP Government is providing all possible assistance to those affected: PM @narendramodi — PMO India (@PMOIndia) January 8, 2025

રાજ્યના ભૂતપૂર્વ મુખ્યમંત્રી અને વાયએસઆરસીપીના પ્રમુખ વાયએસ જગન મોહન રેડ્ડીએ પણ તિરુપતિમાં ભાગદોડમાં શ્રદ્ધાળુઓના મોત પર દુઃખ વ્યક્ત કર્યું. તેમણે ઘાયલ ભક્તોના ઝડપથી સ્વસ્થ થવાની કામના કરી છે.

ઘટનાક્રમ

વાસ્તવમાં 10 જાન્યુઆરીએ વૈકુંઠ એકાદશીના દર્શન માટે મર્યાદિત ટોકન આપવાનું નક્કી કરવામાં આવ્યું હતું. ટીટીડીએ જણાવ્યું હતું કે 10 જાન્યુઆરીના દર્શન માટે ટોકન વિતરણ ગુરુવારે સવારે 5 વાગ્યાથી શરૂ થશે. મર્યાદિત ટોકન હશે અને જે પ્રથમ પહોંચશે તેને ટોકન મળશે. બુધવારે સાંજે 6 વાગ્યાથી લોકો ટોકન મેળવવા માટે કતારમાં ઉભા રહેવા લાગ્યા. સવારે લગભગ 8.30 કલાકે જ્યારે તિરુપતિ શહેરના શ્રીનિવાસમ પ્લેસ પર પહેલી વાર કતાર ખોલવામાં આવી, ત્યારે લોકો કતારમાં પહેલા થવા માટે દોડી આવ્યા અને નાસભાગ મચી ગઈ.

શ્રીનિવાસમ ઉપરાંત, રામા નાયડુ સ્કૂલમાં પણ નાસભાગ મચી ગઈ. કતારમાં આગળ વધવા માટે, લોકો એકબીજાને ધક્કો મારવા અને દોડવા લાગ્યા. ભારે ભીડ અને સાંકડી જગ્યાને કારણે, લોકોનો શ્વાસ રૂંધાવા લાગ્યો. કેટલાક લોકો બેભાન થઈ ગયા અને કેટલાક ટોકન મેળવવાની ઉતાવળમાં તેમને કચડીને આગળ વધવા લાગ્યા.