Chandrayaan 3: ISRO 2025માં તેનું આગામી ચંદ્ર મિશન LUPEX કરશે લોન્ચ, જાપાન સાથે પાર્ટનરશીપમાં ચાલી રહી છે જોરશોરથી તૈયારીઓ

Chandrayaan 3: ઈન્ડિયન સ્પેસ રિસર્ચ ઓર્ગેનાઈઝેશન (ISRO) હાલમાં ચંદ્રયાન-3ના સફળ અને સોફ્ટ લેન્ડિંગની તૈયારી કરી રહ્યું છે, તો બીજી તરફ તે તેના આગામી ચંદ્ર મિશન માટે પણ તૈયારી કરી રહ્યું છે. જીવન સાથે જોડાયેલું છે. એવી શક્યતા છે કે ISRO જાપાનની સ્પેસ એજન્સી સાથે મળીને તેનું આગામી ચંદ્ર મિશન હાથ ધરશે. આ માટે ઝડપી કામગીરી પણ કરવામાં આવી રહી છે.

‘જાપાન એરોસ્પેસ એક્સપ્લોરેશન એજન્સી' (JAXA) અને ISRO એ આગામી ચંદ્ર મિશન 'લુનર પોલર એક્સપ્લોરેશન મિશન' (LUPEX) માટે પાર્ટનરશીપ કરી છે. JAXA આ મિશન માટે રોવર અને ISRO લેન્ડર ડેવલપ કરી રહ્યું છે.

રોવર માત્ર ISRO અને JAXAના ડિવાઇસને જ ના માત્ર ચંદ્ર પર લઈ જશે પરંતુ યુએસ એજન્સી નાસા અને યુરોપિયન સ્પેસ એજન્સી (ESA) ના સાધનો પણ લઈ જશે.

જાપાનની નેશનલ એસ્ટ્રોનોમિકલ ઓબ્ઝર્વેટરીના ડીજી, જાપાનની રાષ્ટ્રીય અવકાશ નીતિ પરની કેબિનેટ સમિતિના ઉપાધ્યક્ષ સાકુ સુનેતાએ આ મહિનાની શરૂઆતમાં બેંગલુરુમાં ઈસરોના મુખ્યાલયની મુલાકાત લીધી હતી અને ભારતીય અવકાશ એજન્સીના વડા સોમનાથ એસ. સાથેની બેઠકમાં LUPEX મિશનની પ્રગતિ અંગે ચર્ચા કરી હતી