જમ્મુ-કાશ્મીર અને લદ્દાખમાં તૈનાત સૈનિકોની નહીં થાય ધરપકડ, 370 હટાવ્યા બાદ સરકારનો વધુ એક મોટો નિર્ણય

ભારતીય સેનાના જવાનોને હવે જમ્મુ-કાશ્મીર તેમજ લદ્દાખમાં ધરપકડથી રક્ષણ મળશે. કેન્દ્ર સરકાર દ્વારા બહાર પાડવામાં આવેલ આ આદેશ કેન્દ્રીય અર્ધલશ્કરી દળોને પણ લાગુ પડશે. જમ્મુ-કાશ્મીરમાં કલમ 370 નાબૂદ થયા બાદ આ સુરક્ષાની જોગવાઈ કરવામાં આવી છે. હવે કેન્દ્ર સરકારની સંમતિ વિના જમ્મુ-કાશ્મીર અને લદ્દાખમાં તૈનાત કોઈપણ જવાનની ધરપકડ કરી શકાશે નહીં. સૂત્રોએ ન્યૂઝ 18 ને જણાવ્યું કે કોઈપણ જવાનને કોઈ નવી સત્તા આપવામાં આવી નથી, બલ્કે જમ્મુ અને કાશ્મીર અને લદ્દાખમાં તૈનાત તમામ દળોમાં ફોજદારી પ્રક્રિયા સંહિતા (સીઆરપીસી) ની કલમનો વિસ્તાર કરવામાં આવ્યો છે.

ત્રણ વર્ષ પહેલા સુધી, જમ્મુ અને કાશ્મીરમાં 'રણબીર પીનલ કોડ 1989' લાગુ હતો, જેના કારણે સશસ્ત્ર દળોના જવાનોને CrPC, 1973ની કલમ 45 હેઠળ ધરપકડથી સુરક્ષિત નહોતું. વરિષ્ઠ સરકારી અધિકારીઓએ જણાવ્યું હતું કે જવાનો સામે કેસ દાખલ કરી શકાય છે, પરંતુ જ્યારે તેઓ ફરજ પર હોય ત્યારે ધરપકડ માટે વધુ કાનૂની પ્રક્રિયાની જરૂર પડશે.

આદેશમાં કહેવામાં આવ્યું છે કે રાજ્ય સરકાર તેના પોલીસ દળો અને દળોને પણ આ કલમની પેટા-કલમ (1) હેઠળ સુરક્ષા પૂરી પાડી શકે છે. જમ્મુ-કાશ્મીર અને લદ્દાખમાં સેના સિવાય તમામ કેન્દ્રીય દળોના જવાનોને ધરપકડથી રક્ષણ મળશે. તમને જણાવી દઈએ કે અગાઉ પણ સ્થાનિક પોલીસ-પ્રશાસન અને જવાનો સાથે ઝપાઝપી થઈ ચૂકી છે. જવાનોની અટકાયત જેવી ઘટનાઓ બની છે. આવા ગંભીર મામલાઓમાં સેનાએ પોતાના જવાનોની સુરક્ષા માટે સ્થાનિક પ્રશાસન અને પોલીસ સાથે કડક વ્યવહાર કર્યો છે.

તમને જણાવી દઈએ કે કલમ 370 હટાવવા પહેલા જમ્મુ-કાશ્મીરમાં રણબીર પિન કોડ 1989 લાગુ હતો. જેના કારણે કેન્દ્ર સરકારના ઘણા કાયદાઓ ત્યાં લાગુ થઈ શક્યા નથી. ઑગસ્ટ 2019 માં જ્યારે કલમ 370 નાબૂદ કરવામાં આવી હતી, ત્યારે સશસ્ત્ર દળોના કર્મચારીઓને ફરજની લાઇનમાં બનેલી કોઈપણ ઘટના માટે ધરપકડમાંથી મુક્તિ આપવાનો માર્ગ સાફ કરવામાં આવ્યો હતો. કાશ્મીરમાં એવી ઘણી ઘટનાઓ છે જેમાં સશસ્ત્ર દળોના જવાનોને અસ્વસ્થતાનો સામનો કરવો પડ્યો છે.

આ પણ વાંચો - Property: પિતાની મિલકત પર દીકરીનો ક્યારે હક નથી? જાણો શું છે કાયદો