Ladakh Curfew and Tourism: લદ્દાખમાં કર્ફ્યૂથી પર્યટન ઠપ્પ, પ્રવાસીઓની હાલત દયનીય

Ladakh Curfew and Tourism: લદ્દાખનો પર્યટન ઉદ્યોગ હાલ ભારે મુશ્કેલીમાં છે. લેહમાં તાજેતરના પ્રદર્શનો અને જાણીતા સામાજિક કાર્યકર્તા સોનમ વાંગચુકની ધરપકડે સ્થિતિને વધુ ગંભીર બનાવી છે. અગાઉ એપ્રિલ 2025માં પહેલગામ હુમલા બાદ પર્યટકોની સંખ્યામાં ઘટાડો થયો હતો, પરંતુ 24 સિપ્ટેમ્બરે લેહમાં લાગેલા અનિશ્ચિત કાળના કર્ફ્યૂએ પર્યટનને પૂર્ણપણે ઠપ્પ કરી દીધું છે. આનાથી ઘણા પ્રવાસીઓ લેહમાં ફસાયા છે અને તેમને ખાણી-પીણી સહિતની મૂળભૂત સુવિધાઓ મેળવવામાં મુશ્કેલી પડી રહી છે.

કર્ફ્યૂ અને હિંસાનો માહોલ

24 સિપ્ટેમ્બરે લેહ એપેક્સ બોડી સાથે જોડાયેલા એક સંગઠને બંધનું એલાન કર્યું હતું. આ દરમિયાન થયેલી હિંસામાં 4 લોકોના મોત થયા અને 150થી વધુ લોકો ઘાયલ થયા. સ્થિતિને કાબૂમાં લેવા માટે સ્થાનિક વહીવટે કર્ફ્યૂ લાગુ કર્યો અને મોબાઇલ તથા ઇન્ટરનેટ સેવાઓ બંધ કરી દીધી. આનાથી પર્યટન ઉપરાંત સ્થાનિક વેપારને પણ ભારે નુકસાન થયું છે.

હોટેલ અને ટ્રાન્સપોર્ટ પર અસર

પ્રવાસીઓની મુશ્કેલી વધી

તાઇવાનથી આવેલી પ્રવાસી શીનાએ જણાવ્યું, “અમે લદ્દાખ ફરવાના આનંદની આશાએ આવ્યા હતા, પરંતુ અહીં બજારો બંધ છે અને ખાવાનું ખરીદવું પણ મુશ્કેલ બન્યું છે.” એક હોટેલ માલિકે કહ્યું કે, આ રીતે રોજનું અનિશ્ચિત વાતાવરણ હજારો પરિવારોની આવક છીનવી રહ્યું છે.

લદ્દાખનું પર્યટન, જે આ પ્રદેશની આર્થિક કરોડરજ્જૂ છે, તે હવે ભારે સંકટમાં છે. વહીવટીતંત્ર આ સ્થિતિને કાબૂમાં લેવા પ્રયાસ કરી રહ્યું છે, પરંતુ જ્યાં સુધી શાંતિ અને સ્થિરતા પાછી નહીં આવે, ત્યાં સુધી પર્યટન ઉદ્યોગની આ મુશ્કેલીઓ ચાલુ રહેવાની શક્યતા છે.

આ પણ વાંચો-RBIની મોટી જાહેરાત: હવે લોન લેવી થશે એકદમ સરળ, ગોલ્ડ લોનના નિયમોમાં પણ મોટા ફેરફાર!