મણિપુરમાં ફરી ભડકી હિંસા, ખામેનલોકમાં આતંકવાદી હુમલામાં 9ના મોત, 10 ઘાયલ

MANIPUR VIOLENCE: હિંસાગ્રસ્ત મણિપુરના ખામેનલોક વિસ્તારના એક ગામમાં શંકાસ્પદ આતંકવાદીઓએ હુમલો કરતાં ઓછામાં ઓછા નવ લોકો માર્યા ગયા અને 10 અન્ય ઘાયલ થયા. પોલીસે બુધવારે આ જાણકારી આપી. અત્યાધુનિક શસ્ત્રોથી સજ્જ આતંકવાદીઓએ સવારે લગભગ 1 વાગ્યાની આસપાસ ઇમ્ફાલ પૂર્વ જિલ્લા અને કાંગપોકી જિલ્લાની સરહદે આવેલા ખામેનલોક વિસ્તારમાં ગ્રામજનોને ઘેરી લીધા હતા અને હુમલો કર્યો હતો. ઘાયલોને ઈમ્ફાલની હોસ્પિટલમાં દાખલ કરવામાં આવ્યા છે.

આ વિસ્તાર મેઇતેઇ-પ્રભુત્વ ધરાવતા ઇમ્ફાલ પૂર્વ જિલ્લા અને આદિવાસી પ્રભુત્વવાળા કાંગપોકપી જિલ્લા સાથે સરહદો વહેંચે છે. સોમવારે ઇમ્ફાલ પૂર્વ જિલ્લાના ખામેનલોક વિસ્તારમાં આતંકવાદીઓ અને ગ્રામીણ સ્વયંસેવકો વચ્ચે ગોળીબારમાં નવ લોકો ઘાયલ થયા હતા.

પોલીસે જણાવ્યું હતું કે મંગળવારે બિષ્ણુપુર જિલ્લાના ફૌગકચાઓ ઇખાઈમાં સુરક્ષા દળોએ કુકી આતંકવાદીઓ સાથે એન્કાઉન્ટર કર્યું હતું.