Dalai Lama: દલાઈ લામાને મળ્યા અને ચીનને ચેલેન્જ પણ આપી, USએ ભારતની ધરતી પરથી ડ્રેગનને લલકાર્યું

Dalai Lama: ચીનના વાંધો છતાં અમેરિકન સાંસદોનું એક ગ્રુપ તિબેટના આધ્યાત્મિક નેતા દલાઈ લામાને મળ્યું છે. સંસદના ભૂતપૂર્વ સ્પીકર નેન્સી પેલોસી સહિત યુએસ સાંસદોએ બુધવારે હિમાચલ પ્રદેશના ધર્મશાલામાં આયોજિત એક કાર્યક્રમમાં હાજરી આપી હતી. આ કાર્યક્રમમાં સાંસદોએ કહ્યું કે દલાઈ લામાના ઉત્તરાધિકારીને પસંદ કરવામાં ચીનની કોઈ ભૂમિકા હોઈ શકે નહીં. અમેરિકા તેને આવું કરવા પણ નહીં દે. અમેરિકન સાંસદોનું આ નિવેદન એટલા માટે મહત્વનું છે કારણ કે ચીન દલાઈ લામાના ઉત્તરાધિકારી કર્મપા લામાની પસંદગીમાં હસ્તક્ષેપ કરવાનો પ્રયાસ કરી રહ્યું છે.

નેન્સી પેલોસીએ કહ્યું કે દલાઈ લામાને તેમના શાંતિ, આધ્યાત્મિક વારસો, દયાના મેસેજ માટે યાદ કરવામાં આવશે. પરંતુ જ્યારે ચીનના રાષ્ટ્રપતિ શી જિનપિંગ વિદાય લેશે ત્યારે તેમને કોઈ યાદ કરશે નહીં. તેમને કોઈ પણ વસ્તુ માટે ક્રેડિટ આપવામાં આવશે નહીં. તેમણે કહ્યું કે તિબેટીયન લોકો દયાનું પ્રતિક છે. તેમણે કહ્યું કે અમેરિકી સંસદમાં તિબેટ-ચીન વિવાદ અધિનિયમ રજૂ કરવામાં આવ્યો છે તે યોગ્ય ઉકેલ આપે છે. પેલોસીએ કહ્યું કે અમે આ બિલ દ્વારા ચીનને સ્પષ્ટ સંદેશ આપ્યો છે. આ બિલ ચીનને સંદેશ આપે છે કે વસ્તુઓ બદલાઈ ગઈ છે અને તમારે તેના માટે તૈયાર રહેવું જોઈએ.

ભારતની મુલાકાતે આવેલા અમેરિકી સાંસદોનું નેતૃત્વ અમેરિકી સંસદની ફોરેન અફેર્સ કમિટીના અધ્યક્ષ માઈકલ મેકકોલે કર્યું હતું. આ સિવાય એમી બેરા, ગ્રેગરી મીક્સ અને નેન્સી પેલોસી સહિત કુલ 7 સાંસદો પ્રતિનિધિમંડળનો ભાગ છે. તમને જણાવી દઈએ કે ચીન તાઈવાન અને તિબેટને પોતાનો ભાગ માને છે. તે વન ચાઈના નીતિ હેઠળ આનો દાવો કરે છે અને અન્ય કોઈ દેશની દખલગીરી સહન કરતું નથી.

દલાઈ લામાના ઉત્તરાધિકારીની પસંદગીમાં ચીન કેમ દખલ કરી રહ્યું છે?

આ પણ વાંચો - Bihar Reservation High Court: પટના હાઈકોર્ટે બિહારમાં 65 ટકા રિઝર્વેશનનો કાયદો કર્યો રદ, નીતિશને ઝટકો