J-K: રાજૌરીમાં આતંકવાદીઓ અને સુરક્ષા દળો વચ્ચેની અથડામણમાં બે જવાન શહીદ, મોબાઈલ ઈન્ટરનેટ સસ્પેન્ડ

Rajaouri Encounter: જમ્મુ-કાશ્મીરના રાજૌરીમાં આતંકવાદીઓ અને સુરક્ષા દળો વચ્ચેની અથડામણમાં ભારતીય સેનાના બે જવાન શહીદ થયા છે. તે જ સમયે, આ એન્કાઉન્ટરમાં એક અધિકારી સહિત ચાર જવાન ઘાયલ થયા છે, જેમની હોસ્પિટલમાં સારવાર ચાલી રહી છે. સમાચાર એજન્સી પીટીઆઈના જણાવ્યા અનુસાર અધિકારીઓએ જણાવ્યું કે રાજૌરીમાં મોબાઈલ ઈન્ટરનેટ સેવાઓ સ્થગિત કરી દેવામાં આવી છે. અધિકારીઓના જણાવ્યા અનુસાર, રાજૌરીમાં સર્ચ ઓપરેશન દરમિયાન આતંકવાદીઓ દ્વારા કરવામાં આવેલા IED બ્લાસ્ટમાં સેનાના બે જવાન શહીદ થયા હતા. હાલ સર્ચ ઓપરેશન ચાલુ છે. આ એન્કાઉન્ટરમાં ઘણા આતંકીઓના મોતના પણ સમાચાર છે.

જમ્મુ-કાશ્મીરના રાજૌરીમાં શુક્રવારે સવારે આતંકવાદીઓ અને સુરક્ષા દળો વચ્ચે અથડામણ થઈ હતી. સૂત્રોના જણાવ્યા અનુસાર, રાજૌરી જિલ્લાના બાન્યારી પહાડી વિસ્તારના નેકમાં ગોળીબાર ચાલી રહ્યો છે. એડિશનલ ડાયરેક્ટર જનરલ ઑફ પોલીસ (ADGP) જમ્મુ ઝોન મુકેશ સિંહે પુષ્ટિ કરી કે કાંડી જંગલ વિસ્તારમાં એન્કાઉન્ટર ચાલી રહ્યું છે. કહેવામાં આવી રહ્યું છે કે અહીં બેથી ત્રણ આતંકીઓ છુપાયા હોવાની આશંકા છે.

Two Army personnel killed, 4 including officer injured in blast triggered by terrorists during operation in J-K's Rajouri: Northern Command

પોલીસ અને સુરક્ષા દળોની સંયુક્ત ટીમને વિસ્તારમાં આતંકવાદીઓની હાજરીની માહિતી મળી હતી. આ પછી સુરક્ષા દળોએ વિસ્તારને કોર્ડન કરી લીધો હતો. આ પછી આતંકવાદીઓએ તેમના પર ફાયરિંગ શરૂ કરી દીધું હતું. સુરક્ષા દળોએ પણ જવાબી કાર્યવાહી કરી હતી. તાજેતરના ભૂતકાળમાં, જમ્મુ-કાશ્મીરમાં સુરક્ષા દળો અને આતંકવાદીઓ વચ્ચે ઘણી અથડામણ થઈ છે જેમાં મોટી સંખ્યામાં આતંકવાદીઓ માર્યા ગયા છે.

Mobile internet services suspended in J-K's Rajouri, say officials — Press Trust of India (@PTI_News) May 5, 2023

ઉત્તર કાશ્મીરના બારામુલ્લા જિલ્લાના વાનીગામ પાયેન કરીરીના દ્રાચ વિસ્તારમાં ગુરુવારે એન્કાઉન્ટરમાં બે લશ્કર-એ-તૈયબાના આતંકવાદીઓ માર્યા ગયા હતા. આ પહેલા ગુરુવારે સુરક્ષા દળોએ ઉત્તર કાશ્મીરના કુપવાડા જિલ્લાના માછિલ સેક્ટરમાં નિયંત્રણ રેખા પર ઘૂસણખોરીના પ્રયાસને નિષ્ફળ બનાવ્યો હતો. જેમાં બે આતંકવાદીઓ માર્યા ગયા હતા.

આ પણ વાંચો - હોમ લોનના વધતા વ્યાજથી છો ચિંતામાં? તમે આ 4 રીતે ઘટાડી શકો છો EMI