રિઝર્વ બેન્ક ઓફ ઈન્ડિયાને બોમ્બથી ઉડાવી દેવાની ધમકી, મચ્યો ખળભળાટ, તપાસ શરૂ

મુંબઈઃ રિઝર્વ બેન્ક ઓફ ઈન્ડિયા (RBI)ને બોમ્બની ધમકી મળી છે. ગુરુવારે બપોરે આરબીઆઈની સત્તાવાર વેબસાઈટ પર આ ધમકીભર્યો ઈ-મેલ મળ્યો હતો. ઈ-મેલમાં રશિયન ભાષામાં રિઝર્વ બેન્કને બોમ્બથી ઉડાવી દેવાની ધમકી હતી.

ગયા મહિને પણ આવો જ એક કિસ્સો પ્રકાશમાં આવ્યો હતો જ્યારે રિઝર્વ બેન્ક ઓફ ઈન્ડિયાના કસ્ટમર કેર નંબર પર કોલ આવ્યો હતો અને તેણે પોતાની ઓળખ લશ્કર-એ-તૈયબાના સીઈઓ તરીકે આપી હતી. તેણે સેન્ટ્રલ બેન્કને બોમ્બથી ઉડાવી દેવાની ધમકી પણ આપી હતી.

છેલ્લા કેટલાક દિવસોથી દેશમાં વિમાનો અને શાળાઓને બોમ્બથી ઉડાવી દેવાના ઘણા ધમકીભર્યા કોલ અને મેઇલ આવી રહ્યા છે. આજે એટલે કે 13મી ડિસેમ્બરે દિલ્હીની ત્રણ શાળાઓને બોમ્બની ધમકીનો મેલ મળ્યો હતો, જેના પછી વિવિધ એજન્સીઓએ શાળાના પરિસરમાં સર્ચ કરવાનું શરૂ કર્યું હતું. અગાઉ 9 ડિસેમ્બર, 2024 ના રોજ, દિલ્હીની ઓછામાં ઓછી 44 શાળાઓને સમાન ઇમેઇલ્સ મળ્યા હતા. તપાસ બાદ પોલીસે આ ધમકીઓને અફવા ગણાવી હતી.