Iran-Israel war: 72 કલાકમાં જ ઈઝરાયલે ઈરાન પાસેથી લીધો બદલો, લેબનોનમાં ત્રણ ટોપના કમાન્ડરોને કર્યા માર્યા

Iran-Israel war: ઈરાન અને ઈઝરાયલ વચ્ચે તણાવ ચરમસીમા પર છે. આ દરમિયાન ઈઝરાયલે પોતાના દુશ્મનોને ખતમ કરવાની યોજના બનાવીને હુમલા શરૂ કરી દીધા છે. ઈરાની હુમલાના 72 કલાક બાદ જ ઈઝરાયલ ડિફેન્સ ફોર્સ (IDF)એ એક નિવેદન જારી કરીને આખી દુનિયાને જણાવ્યું છે કે અમે ત્રણ હિઝબુલ્લાહ લડવૈયાઓને માર્યા છે. જેમાં એક મિસાઈલ યુનિટનો કમાન્ડર હતો.

સીએનએન અનુસાર, ઇઝરાયેલ ડિફેન્સ ફોર્સિસ (આઇડીએફ)એ જણાવ્યું હતું કે દક્ષિણ લેબનોનમાં હવાઈ હુમલામાં માર્યા ગયેલા લોકોમાં બે કમાન્ડરો સહિત ત્રણ હિઝબુલ્લા આતંકવાદીઓનો સમાવેશ થાય છે.

આઈડીએફ (ઈઝરાયલ ડિફેન્સ ફોર્સીસ)એ જણાવ્યું હતું કે રડવાન દળોના પશ્ચિમ ક્ષેત્રના રોકેટ અને મિસાઈલ યુનિટના કમાન્ડર મુહમ્મદ હુસૈન શાહહૌરી દક્ષિણ લેબનોનના કફર ડુનિનમાં હવાઈ હુમલામાં માર્યા ગયા હતા. આ હુમલામાં 'હિઝબુલ્લાના રોકેટ અને મિસાઈલ યુનિટના ઓપરેટર' મહમૂદ ઈબ્રાહીમ ફદલ્લાહ પણ માર્યા ગયા હતા, દક્ષિણ લેબેનોનમાં હવાઈ હુમલામાં કુલ ત્રણ હિઝબોલ્લાહ લડવૈયાઓ માર્યા ગયા હતા.

મુહમ્મદે ઇઝરાયેલ પર મિસાઇલો ચલાવી

IDFના નિવેદનમાં કહેવામાં આવ્યું છે કે ઈરાની હુમલામાં મોહમ્મદ હુસૈન શાહહૌરીએ મહત્વની ભૂમિકા ભજવી હતી. તે મોહમ્મદે જ લેબનોનના મધ્ય અને પશ્ચિમી વિસ્તારોમાંથી ઇઝરાયેલના પ્રદેશ તરફ રોકેટ અને મિસાઇલો છોડવાની યોજના બનાવી હતી.

હિઝબુલ્લાએ ત્રણ લડવૈયાઓના મોતનો સ્વીકાર કર્યો

હિઝબુલ્લાહે તેના ત્રણ લડવૈયાઓને મૃત જાહેર કર્યા છે. જો કે, તે તેના રેન્ક અથવા તેના મૃત્યુ પાછળના સંજોગો વિશે માહિતી પ્રદાન કરતું નથી. સીએનએનએ ઈઝરાયલના એક અધિકારીને ટાંકીને અહેવાલ આપ્યો છે કે ઈરાનના જવાબી હુમલાના જવાબ અંગે ઈઝરાયલી યુદ્ધ કેબિનેટના અધિકારીઓ વચ્ચેની ચર્ચાઓ સમાપ્ત થઈ ગઈ છે. આ બેઠકમાં શું આયોજન કરવામાં આવ્યું છે તે અંગે હજુ સુધી કંઈ બહાર આવ્યું નથી.

આ પણ વાંચો - EVM VVPAT Case: વિશ્વાસ રાખવો પડશે, સિસ્ટમને તોડવાની કોશિશ ન કરો... SCમાં EVM પર સુનાવણીની 5 મોટી વાતો