એરટેલ કસ્ટમર્સ માટે ખરાબ સમાચાર! મોબાઈલ પ્રીપેડ પ્લાનની કિંમતોમાં થઇ શકે છે વધારો

એરટેલ યુઝર્સ માટે એક ખરાબ સમાચાર છે. જો તમે એરટેલના કસ્ટમર્સ છો તો તમને જલ્દી આંચકો લાગી શકે છે. એરટેલના પ્રીપેડ પ્લાનની કિંમતો ટૂંક સમયમાં વધી શકે છે. કંપની લાંબા સમયથી કિંમતો વધારવાનો પ્રયાસ કરી રહી છે. મનીકંટ્રોલ સાથે વાત કરતા, એરટેલના સીઈઓ સુનીલ મિત્તલે જણાવ્યું હતું કે ARPU (એવરેજ રેવન્યુ પ્રતિ યુઝર) ને વધારીને 300 રૂપિયા પ્રતિ માસ કરવાની જરૂર છે. આવી સ્થિતિમાં, યુઝર્સ પ્રીપેડ પ્લાનની કિંમતોમાં વધારાની અપેક્ષા રાખી રહ્યા છે.

વોડાફોન આઈડિયા પણ કિંમત વધારી શકે
સુનીલ મિત્તલે કહ્યું કે જો કંપનીઓ ARPU વધારીને 300 રૂપિયા પ્રતિ મહિને કરે તો કસ્ટમર્સએ ચિંતા ન કરવી જોઈએ કારણ કે યૂઝર્સ દર મહિને 60 GB ડેટાનો ઉપયોગ કરે છે. એવું નથી કે એરટેલ સિવાય અન્ય કંપનીઓ પણ કિંમત વધારવા માંગતી નથી. એરટેલ ઉપરાંત વોડાફોન આઈડિયા પણ પ્રીપેડ પ્લાનની કિંમતો વધારવા માંગે છે. વોડાફોન આઈડિયા પણ પ્રીપેડ પ્લાનની કિંમતો વધારીને તેની ખોટ ઘટાડવા માંગે છે.

એરટેલની 5G સર્વિસ
એરટેલની 5G સેવા કેટલાક શહેરોમાં શરૂ થઈ ગઈ છે. મોબાઇલ ડેટાના સંદર્ભમાં, 5G નેટવર્ક તમને 4G નેટવર્કની બમણી સ્પીડ આપશે. વિડિઓઝ અને મૂવીઝ હવે થોડી સેકંડમાં તમારા ફોન પર ડાઉનલોડ થશે. 4Gમાં કસ્ટમર્સને મહત્તમ 100mbpsની સ્પીડ મળે છે. પરંતુ 5Gમાં આ સ્પીડ 10Gbps સુધી જઈ શકે છે.

આ પણ વાંચો - Budget 2023: ક્વોલિટી એજ્યુકેશન માટે મોટી જાહેરાત કરી શકે છે નિર્મલા સિતારમણ