LPG ગ્રાહકો માટે એલર્ટ: આજે e-KYCના છેલ્લા દિવસો, ગેસ સિલિન્ડરની સબસિડી બંધ થશે અને ભાવ વધશે!

LPG gas subsidy: કેન્દ્ર સરકારે રાંધણગેસના ગ્રાહકો માટે એક અત્યંત મહત્ત્વપૂર્ણ અને કડક નિર્ણય લીધો છે. જો તમારા ઘરે પણ સબસિડીવાળો ગેસ સિલિન્ડર આવે છે, તો આ સમાચાર તમારા માટે ખૂબ જ કામના છે. 1 ઓક્ટોબર 2026થી સબસિડીવાળા ગેસ સિલિન્ડરના બુકિંગ માટે બાયોમેટ્રિક અથવા આધાર ઓથેન્ટિકેશન (e-KYC) ફરજિયાત કરી દેવામાં આવ્યું છે. આ પ્રક્રિયા પૂરી કરવાનો આજે અંતિમ દિવસ છે. જો કોઈ ગ્રાહક આજે આ કામમાં ચૂક કરશે, તો આવતીકાલથી તેને સબસિડીનો લાભ મળતો બંધ થઈ જશે.

જો e-KYC નહીં કરાવો તો થશે મોટું આર્થિક નુકસાન

જે ગ્રાહકો સમયમર્યાદામાં પોતાનું આધાર વેરિફિકેશન નહીં કરાવે, તેમને 14.2 કિલોનો સિલિન્ડર પૂરા બજાર ભાવે ખરીદવો પડશે. સપ્ટેમ્બર 2026ના લેટેસ્ટ આંકડા મુજબ, ગ્રાહકોને પ્રતિ સિલિન્ડર આશરે 210 રૂપિયાની સબસિડી આપવામાં આવે છે. અગાઉના સમયમાં આ સબસિડી 721 રૂપિયા સુધી પણ પહોંચી હતી. આધાર લિંક નહીં હોય તો આ રકમ મળતી બંધ થઈ જશે, જેના કારણે સામાન્ય ગ્રાહકોના ઘરના બજેટ પર સીધી અસર પડશે.

સરકારે આ કડક નિયમ કેમ બનાવ્યો?

આધાર લિંક ન હોવા પર કઈ મુશ્કેલીઓનો સામનો કરવો પડશે?

જો તમે e-KYC નહીં કરાવો તો માત્ર સબસિડી જ નહીં જાય, પરંતુ બીજી ઘણી સમસ્યાઓ પણ આવશે:

વૈકલ્પિક વ્યવસ્થા: સામાન્ય બુકિંગ બંધ થઈ જશે. ગ્રાહકોએ ગેસ કંપનીઓના ડિજિટલ પ્લેટફોર્મ પર જઈને નવો વિકલ્પ નોંધાવવો પડશે. તેમને સબસિડી વગર માત્ર 5 કિલો કે 10 કિલોના સિલિન્ડર જ બજાર ભાવે મળશે.

સ્ટોકની સમસ્યા: આ 5 કે 10 કિલોના સિલિન્ડર તમને મળશે કે નહીં, તેનો આધાર તમારી આસપાસના વિસ્તારમાં સ્ટોક છે કે નહીં તેના પર રહેશે.

સમયનો બગાડ: જો તમે ડિલિવરી વખતે કે પછી ગેસ એજન્સી પર જઈને e-KYC કરાવવાનું વિચારશો, તો લાંબી લાઈનોમાં ઊભા રહેવું પડશે. જેનાથી સિલિન્ડર મળવામાં વિલંબ થશે.

ગામડાં અને વૃદ્ધોને હાલાકી: ખાસ કરીને ગ્રામીણ વિસ્તારના લોકો અને મોટી ઉંમરના ગ્રાહકો માટે મોબાઈલ એપ દ્વારા ચહેરો સ્કેન કરીને પ્રક્રિયા પૂરી કરવી અઘરી પડી શકે છે, જેથી તેમને એજન્સીના ધક્કા ખાવા પડી શકે છે.

આ પણ વાંચો - પ્રાઇવેટ બાઇક ટેક્સીનો વિરોધ: ગાંધીનગર RTO કચેરીએ 10,000 રિક્ષા-ટેક્સી ચાલકોનો હોબાળો, સરકારે માંગ્યો 1 મહિનાનો સમય

કોઈ પણ જાતની હેરાનગતિ અને આર્થિક નુકસાનથી બચવા માટે ગ્રાહકોએ સત્વરે જાગી જવાની જરૂર છે. તમારો સિલિન્ડર બજાર ભાવે લેવો ન પડે અને સબસિડી ચાલુ રહે તે માટે આજે જ ઓનલાઈન માધ્યમથી અથવા તમારી ગેસ એજન્સીનો સંપર્ક કરીને e-KYC ની પ્રક્રિયા પૂર્ણ કરી લો.