PMAY 2.0 Online Apply : PM આવાસ યોજનામાં 1 કરોડ નવા મકાનો માટે શરૂ થઈ એપ્લિકેશન, આ રીતે કરો એપ્લિકેશન

PMAY 2.0 Online Apply : પ્રધાનમંત્રી મોદીની આગેવાની હેઠળની કેન્દ્ર સરકાર પીએમ આવાસ યોજના 2.0 લઈને આવી છે. જેમાં લોકોને મકાન બનાવવા માટે આર્થિક સહાય આપવામાં આવશે. PMAY 2.0 ને કેન્દ્રીય કેબિનેટ દ્વારા 9 ઓગસ્ટ, 2024 ના રોજ શહેરી વિસ્તારોમાં આર્થિક રીતે નબળા (EWS) અને મધ્યમ વર્ગના પરિવારો માટે મંજૂરી આપવામાં આવી હતી. આ યોજના હેઠળ 1 કરોડ નવા મકાનો બનાવવામાં આવશે. આવાસ અને શહેરી બાબતોના મંત્રાલયના જણાવ્યા અનુસાર, પ્રતિ યુનિટ રુપિયા 2.30 લાખ મંજૂર કરવામાં આવશે. આ યોજના હેઠળ છેલ્લા તબક્કામાં શહેરી વિસ્તારોમાં 1.18 કરોડ મકાનોને મંજૂરી આપવામાં આવી હતી. 85.5 લાખથી વધુ મકાનો બનાવીને લાભાર્થીઓને સોંપવામાં આવ્યા છે. આ યોજના ભારતભરમાં વિવિધ ક્ષેત્રોમાં લાગુ કરવામાં આવશે જેમ કે બેનિફિશરી લેડ કન્સ્ટ્રક્શન (BLC), એફોર્ડેબલ હાઉસિંગ ઇન પાર્ટનરશિપ (AHP), એફોર્ડેબલ રેન્ટલ હાઉસિંગ (ARH) અને વ્યાજ સબસિડી સ્કીમ (ISS). પ્રધાનમંત્રી આવાસ યોજના-અર્બન 2.0 હેઠળ 1 કરોડ નવા મકાનો માટે ઓનલાઈન એપ્લિકેશનઓ શરૂ થઈ ગઈ છે. આ માટે તમે ઓનલાઈન પણ એપ્લિકેશન કરી શકો છો.

એપ્લિકેશન માટે આ ડોક્યુમેન્ટ્સ જરૂરી

-અરજદારનું એક્ટિવ બેન્ક એકાઉન્ટ

-આધાર બેન્ક ખાતા સાથે લિંક હોવો જોઈએ

-આવક પ્રમાણપત્ર

-જાતિ પ્રમાણપત્ર

જમીનના ડોક્યુમેન્ટ્સ (જો તમે તમારી જમીન પર બાંધકામ માટે નાણાકીય સહાય માટે એપ્લિકેશન કરી રહ્યા હોવ તો)

PMAY (અર્બન) 2.0 માટે આ રીતે એપ્લિકેશન કરો

સ્ટેપ 1: પીએમ આવાસ યોજના 2.0 માટે એપ્લિકેશન કરવા માટે, પહેલા સત્તાવાર વેબસાઇટ https://pmay-urban.gov.in/ પર જાઓ.

સ્ટેપ 2: વેબસાઇટ ખોલ્યા પછી, “Apply for PMAY-U 2.0” આઇકન સર્ચ કરો અને તેના પર ક્લિક કરો.

સ્ટેપ 3: યોજનાની સૂચનાઓ કાળજીપૂર્વક વાંચો અને આગળ વધો.

સ્ટેપ 4: તમારી વાર્ષિક આવક સહિત વિનંતી કરેલ વિગતો આપીને તમારી પાત્રતા તપાસો.

સ્ટેપ 5: વેરિફિકેશન માટે તમારી આધાર વિગતો દાખલ કરો.

સ્ટેપ 6: વેરિફિકેશન પછી, સરનામું અને આવકના પુરાવા જેવી વિગતો સાથે નોંધણી ફોર્મ ભરો.

સ્ટેપ 7: ફોર્મ સબમિટ કરો અને તમારી એપ્લિકેશનની સ્થિતિની રાહ જુઓ.

આ પણ વાંચો-શું મેગી મોંઘી થશે! 1 જાન્યુઆરીથી કેમ ભાવ વધારાની ચાલી રહી છે ચર્ચા? જાણો શું છે મામલો