Bank Holidays in May 2023: મે મહિનામાં બેન્કો 12 દિવસ રહેશે બંધ, ચેક કરી લો તારીખો

Bank Holidays in May 2023: રિઝર્વ બેન્ક ઓફ ઈન્ડિયા (RBI) દ્વારા જાહેર કરવામાં આવેલી યાદી અનુસાર મે મહિનામાં બેન્કો 12 દિવસ બંધ રહેશે. જોકે, બેન્કની રજાઓની યાદીમાં બીજા શનિવાર અને રવિવારનો પણ સમાવેશ થાય છે. કેટલીક રજાઓમાં, બેન્કો ફક્ત તે રાજ્યોમાં જ બંધ રહેશે જ્યાં તહેવાર અથવા વર્ષગાંઠ હોય. જ્યારે, કેટલીક ગેઝેટેડ રજાઓ પર સમગ્ર દેશમાં બેન્કો બંધ રહે છે.

મે મહિનામાં બેન્કો 12 દિવસ બંધ રહેશેઃ રજાઓનું સંપૂર્ણ લિસ્ટ

5 મે (શુક્રવાર): બુદ્ધ પૂર્ણિમા - દિલ્હી, હરિયાણા, મહારાષ્ટ્ર, પંજાબ, ઉત્તર પ્રદેશ, પશ્ચિમ બંગાળ, ઉત્તરાખંડ, આસામ, બિહાર, ગુજરાત, અરુણાચલ પ્રદેશ, છત્તીસગઢ

7 મે: રવિવાર

9 મે (મંગળવાર): રવિન્દ્રનાથ ટાગોરનો જન્મદિવસ

મે 13: બીજો શનિવાર

14 મે: રવિવાર

16 મે (મંગળવાર): રાજ્યનો દિવસ - સિક્કિમ

મે 21: રવિવાર

22 મે (સોમવાર): મહારાણા પ્રતાપ જયંતિ - ગુજરાત, હરિયાણા, હિમાચલ પ્રદેશ, પંજાબ, રાજસ્થાન

મે 24 (બુધવાર): કાઝી નઝરુલ ઇસ્લામ જયંતિ - ત્રિપુરા

27 મે: ચોથો શનિવાર

મે 28: રવિવાર

ઓનલાઈન બેન્કિંગ દ્વારા કામ થઈ શકે છે

મે મહિનામાં બેન્કો 12 દિવસ બંધ રહેશે, પરંતુ આ તમામ દિવસોમાં ઓનલાઈન બેન્કિંગ સેવાઓ ચાલુ રહેશે. જો કે, ગ્રાહકો બેન્કોમાં રોકડ જમા અને ઉપાડી શકશે નહીં. એટીએમમાંથી જ પૈસા ઉપાડો.

આ છે બેન્ક રજાઓની કેટેગરી

રાષ્ટ્રીય રજાને ગેઝેટેડ હોલીડે તરીકે પણ ઓળખવામાં આવે છે. જેમાં ત્રણ દિવસ ગણતંત્ર દિવસ, સ્વતંત્રતા દિવસ અને મહાત્મા ગાંધી જયંતિનો સમાવેશ થાય છે. આ દિવસોમાં બેન્કો અને નાણાકીય સંસ્થાઓ બંધ રહે છે. સરકારી રજાઓને રાજ્ય સરકારની બેન્કની રજાઓ અને કેન્દ્રીય સરકારી બેન્કની રજાઓમાં વધુ બે શ્રેણીઓમાં વહેંચવામાં આવી છે. સમગ્ર દેશમાં કેન્દ્રીય સરકારી બેન્કોની રજાઓ મનાવવામાં આવે છે, જ્યારે રાજ્ય સરકારી બેન્કોની રજાઓ માત્ર તે રાજ્યમાં જ મનાવવામાં આવે છે.

આ દિવસોમાં પણ બેન્કો બંધ રહે છે

રાષ્ટ્રીય રજાઓ અને સરકારી રજાઓ સિવાય, ભારતમાં બેન્કો દર મહિનાના બીજા અને ચોથા શનિવારે બંધ રહે છે. જો કે, જો મહિનામાં 5 શનિવાર હોય, તો બેન્કો પાંચમા શનિવારે કામ કરે છે. પહેલા બેન્કો દર શનિવારે અડધો દિવસ કામ કરતી હતી.

આ પણ વાંચો - Mango Overeating: ઉનાળામાં કેરીને ધ્યાન રાખીને ખાઓ, વધારે ખાવાથી થઈ શકે છે અનેક બીમારીઓ