Driving license address change online: ડ્રાઇવિંગ લાઇસન્સ માત્ર વાહન ચલાવવા માટે જ નહીં, પરંતુ ઓળખ અને સરનામાના મજબૂત પુરાવા તરીકે પણ ખૂબ જ ઉપયોગી છે. જો તમે તમારું ઘર બદલ્યું છે અથવા નોકરી-ધંધા માટે બીજા શહેરમાં રહેવા ગયા છો, તો લાઇસન્સમાં નવું સરનામું અપડેટ કરવું ખૂબ જ જરૂરી બની જાય છે.
બીજા શહેરમાં શિફ્ટ થયા છો? ઘરે બેઠા ઓનલાઈન બદલો ડ્રાઇવિંગ લાઇસન્સનું સરનામું, જાણો પૂરી પ્રોસેસ
Driving license address change online: જો તમે બીજા શહેરમાં રહેવા ગયા છો, તો ડ્રાઇવિંગ લાઇસન્સમાં એડ્રેસ બદલવું જરૂરી છે. આરટીઓ ગયા વગર ઘરે બેઠા ઓનલાઈન સરનામું કેવી રીતે બદલવું તેની પૂરી પ્રોસેસ જાણો.
અપડેટેડ 04:12:52 PM Sep 25, 2026 પર
જો તમારું નવું એડ્રેસ બીજા રાજ્યમાં ઉદાહરણ તરીકે ગુજરાતથી મહારાષ્ટ્ર છે, તો પ્રોસેસ થોડી અલગ રહેશે. આના માટે તમારે જૂના RTO માંથી NOC લેવું પડશે.
જો લાઇસન્સમાં જૂનું સરનામું હશે તો વાહન ટ્રાન્સફર, ચલણ ભરવામાં કે કાનૂની કામકાજમાં મુશ્કેલી આવી શકે છે. સારા સમાચાર એ છે કે હવે તમારે એડ્રેસ બદલવા માટે RTO કચેરીના ધક્કા ખાવાની જરૂર નથી. તમે 'પરિવહન સારથી' પોર્ટલ મારફતે ઘરે બેઠા ઓનલાઈન આ કામ આસાનીથી કરી શકો છો.
ઓનલાઈન અરજી કરતા પહેલા આ ડોક્યુમેન્ટ્સ સાથે રાખો પ્રક્રિયા શરૂ કરતા પહેલા અમુક જરૂરી કાગળિયા તૈયાર રાખવા, જેથી કામ જલ્દી પતે.
તમારા જૂના ડ્રાઇવિંગ લાઇસન્સની સ્કેન કોપી.
નવા સરનામાનો પુરાવો- આધાર કાર્ડ, પાસપોર્ટ, વોટર આઈડી, રેશન કાર્ડ, ભાડા કરાર અથવા તાજેતરનું લાઈટ કે પાણીનું બિલ.
ઓળખનો પુરાવો- આધાર કાર્ડ, પાન કાર્ડ અથવા પાસપોર્ટ.
પાસપોર્ટ સાઈઝનો કલર ફોટો.
કોરા સફેદ કાગળ પર કરેલી સહી- ડિજિટલ અપલોડ કરવા માટે.
જરૂર મુજબ મેડિકલ ફોર્મ.
ઘરે બેઠા ઓનલાઈન એડ્રેસ કેવી રીતે બદલવું?
સૌથી પહેલા પરિવહન વિભાગની સત્તાવાર વેબસાઈટ પર જાઓ અને તમારું રાજ્ય પસંદ કરો. ત્યારબાદ 'ડ્રાઇવિંગ લાઇસન્સને લગતી ઓનલાઈન સેવાઓ' વિકલ્પ પર ક્લિક કરો.
તમારો DL નંબર અને જન્મ તારીખ નાખીને લાઇસન્સની વિગતો ચેક કરો.
જો સિસ્ટમમાં ઉપલબ્ધ હોય, તો 'આધાર બેઝ્ડ e-KYC' નો ઓપ્શન પસંદ કરો જેથી કામ વધુ સરળ બને.
હવે સર્વિસ લિસ્ટમાંથી 'એડ્રેસ ચેન્જ' નો વિકલ્પ સિલેક્ટ કરો અને તમારું નવું સરનામું ધ્યાનથી ભરો.
માંગ્યા મુજબ નવા સરનામાનો પુરાવો, ફોટો અને સહી અપલોડ કરો.
છેલ્લે, ઓનલાઈન ફી ભરી દો. ફી ભર્યા પછી જે રસીદ મળે તેને સાચવીને રાખો, જેની મદદથી તમે અરજીનું સ્ટેટસ ચેક કરી શકશો.
જો તમે બીજા રાજ્યમાં શિફ્ટ થયા હોય તો શું કરવું?
જો તમારું નવું એડ્રેસ બીજા રાજ્યમાં ઉદાહરણ તરીકે ગુજરાતથી મહારાષ્ટ્ર છે, તો પ્રોસેસ થોડી અલગ રહેશે. આના માટે તમારે જૂના RTO માંથી NOC લેવું પડશે.
સૌથી પહેલા જૂના રાજ્યના પરિવહન પોર્ટલ પર જઈને NOC માટે અરજી કરો. તેમાં નવા RTO ની વિગત અને NOC લેવાનું કારણ આપો. ફી ભરીને ડોક્યુમેન્ટ અપલોડ કરો. NOC મળી ગયા પછી, નવા રાજ્યના પરિવહન પોર્ટલ પર જઈને એડ્રેસ ચેન્જ માટે એપ્લાય કરો. અહીં તમારે જૂના RTO નું NOC નંબર, તારીખ અને નવા એડ્રેસનો પુરાવો અપલોડ કરવાનો રહેશે.
કેટલો ખર્ચ થશે અને કેટલો સમય લાગશે?
સામાન્ય રીતે ડ્રાઇવિંગ લાઇસન્સમાં એડ્રેસ બદલવાની ફી આશરે 200 રૂપિયા જેટલી હોય છે, સાથે પોસ્ટલ ચાર્જ અલગથી લાગી શકે છે. અરજી કર્યા પછી ડોક્યુમેન્ટ વેરિફિકેશન થવામાં 15 થી 30 વર્કિંગ દિવસનો સમય લાગી શકે છે.
જો બીજા રાજ્યમાં લાઇસન્સ ટ્રાન્સફર કરવાનું હોય, તો NOC ની ફી રાજ્ય મુજબ 100 થી 200 રૂપિયા વચ્ચે હોય છે. NOC મળવામાં 7 થી 15 દિવસ લાગે છે. એકવાર નવું લાઇસન્સ અપ્રૂવ થઈ જાય, પછી તે સ્પીડ પોસ્ટ દ્વારા આશરે 1 અઠવાડિયામાં તમારા નવા સરનામે પહોંચી જાય છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
