પેટ્રોલ પંપના બિઝનેસમાં કમાણી કેવી રીતે કરવી? માલિકને લિટર દીઠ કેટલું મળે છે કમિશન

પેટ્રોલ પંપનો બિઝનેસ એક એવો વ્યવસાય છે જે યોગ્ય લોકેશન અને સ્ટ્રેટેજી સાથે નોંધપાત્ર નફો આપી શકે છે. આ બિઝનેસમાં મુખ્ય કમાણી પેટ્રોલ અને ડીઝલના વેચાણ પર મળતા પ્રતિ લીટર કમિશન પરથી થાય છે. ઉપરાંત, એક્સટ્રા સર્વિસ અને ફેસિલિટી દ્વારા પણ આવક વધારી શકાય છે. આ લેખમાં અમે જણાવીશું કે પેટ્રોલ પંપના ઓનર કેવી રીતે કમાણી કરે છે અને આ બિઝનેસ શરૂ કરવા માટે કેટલું ઇન્વેસ્ટમેન્ટ જરૂરી છે.

પ્રતિ લીટર કમિશન: મુખ્ય આવકનો સ્ત્રોત

પેટ્રોલ પંપના ઓનરની કમાણીનો આધાર એ પ્રતિ લીટર મળતું કમિશન છે. સામાન્ય રીતે, પેટ્રોલ પર પ્રતિ લીટર 1.5 થી 3 અને ડીઝલ પર 2 થી 3નું માર્જિન મળે છે. આ રકમ લોકેશન, ઓઇલ કંપની (જેમ કે IOCL, BPCL, HPCL) અને એજન્સીના નિયમો પર આધારિત હોય છે. ઉદાહરણ તરીકે, શહેરી વિસ્તારમાં એક સરેરાશ પેટ્રોલ પંપ દરરોજ 10,000 થી 20,000 લીટર ઇંધણ વેચે છે, જેનાથી દૈનિક આવક 15,000 થી 60,000 સુધી થઈ શકે છે. ગ્રામીણ વિસ્તારોમાં વેચાણ ઓછું હોય છે, પરંતુ સ્ટ્રેટેજિક લોકેશન હોય તો પણ નફો મેળવી શકાય છે.

એક્સટ્રા સર્વિસથી વધે છે આવક

પેટ્રોલ પંપની કમાણી ફક્ત ઇંધણના વેચાણ પૂરતી મર્યાદિત નથી. ઘણા ઓનર્સ એક્સટ્રા સર્વિસ ઓફર કરીને તેમની આવકમાં વધારો કરે છે.

કન્વીનિયન્સ સ્ટોર: પેટ્રોલ પંપ પર સ્નેક્સ, ડ્રિંક્સ, અને ઓટોમોટિવ એક્સેસરીઝનું વેચાણ.

કાર વોશ: વાહન ધોવાની સુવિધા.