LICની આ પોલિસીમાં મેચ્યોરિટી પર મળશે 54 લાખ, જાણો કેટલું કરવું પડશે રોકાણ

LICની આ પોલિસીમાં રોકાણ કરવાની લઘુત્તમ ઉંમર 18 વર્ષ છે અને તમે તેમાં વધુમાં વધુ 59 વર્ષ સુધી રોકાણ કરી શકો છો. ધારો કે કોઈ વ્યક્તિ 25 વર્ષની ઉંમરે આ પોલિસી લે છે, તો તેણે દર મહિને 7,572 રૂપિયા અથવા દરરોજ 252 રૂપિયા જમા કરાવવા પડશે. એટલે કે આ હિસાબે વાર્ષિક 90,867 રૂપિયા જમા થશે. આ રીતે આ પોલિસીમાં લગભગ 20 લાખ રૂપિયા જમા થશે. પાકતી મુદત પૂરી થવા પર, પોલિસી ધારકને રૂ. 54 લાખ મળશે. જો તમે LICના આ પ્લાનમાં નાણાંનું રોકાણ કરો છો, તો તમને પરિપક્વતા પર રિવર્ઝનરી બોનસ અને અંતિમ વધારાના બોનસનો બેનિફિટ પણ મળશે.

શું છે આ યોજનાની વિશેષતા

LICની આ યોજના હેઠળ 8 થી 59 વર્ષની વચ્ચેનો કોઈપણ નાગરિક રોકાણ કરી શકે છે. આ પોલિસી હેઠળ વીમા ધારકો 10, 13 અને 16 વર્ષ માટે પૈસા જમા કરાવી શકશે. મેચ્યોરિટી મની 16 થી 25 વર્ષમાં ઉપલબ્ધ થશે. 59 વર્ષની વ્યક્તિ 16 વર્ષની વીમા પોલિસી પસંદ કરી શકે છે જેથી તેની ઉંમર 75 વર્ષથી વધુ ન હોય. બીજી તરફ, જો પોલિસી ધારકનું પોલિસી દરમિયાન કોઇપણ કારણસર મૃત્યુ થાય છે, તો નોમિનીને તેનો બેનિફિટ આપવામાં આવે છે. આ ઉપરાંત, નોમિનીને LIC તરફથી બોનસની સાથે સમ એશ્યોર્ડનો બેનિફિટ પણ મળશે. પોલિસીનો સૌથી મોટો પ્લસ પોઈન્ટ ગણવામાં આવે છે. આમાં, પૉલિસી ધારકના મૃત્યુ પર વીમાની રકમ પરત કરવામાં આવે છે, જો પૉલિસી તૂટી ન હોય અને તમામ પ્રીમિયમ ચૂકવવામાં આવ્યા હોય.

આ પણ વાંચો - FDમાં પૈસા રોકવા પર થાય છે આ નુકસાન, ઇન્વેસ્ટ કરતા પહેલા જાણી લો આ તમામ વિગતો