RBI New Rule: હવે બેન્કો લોન પર વધારાના ચાર્જને છુપાવી શકશે નહીં, કસ્ટમર્સને આપવી પડશે તમામ માહિતી

RBI New Rule: જો તમારી પાસે કોઈ લોન છે અથવા તમે કોઈ કામ માટે લોન લેવાનું વિચારી રહ્યા છો, તો આ સમાચાર તમારા માટે ઉપયોગી છે. વાસ્તવમાં, હવે બેન્કો કસ્ટમર્સ પાસેથી લોન પરના વિવિધ શુલ્ક અને ફીની માહિતી છુપાવી શકશે નહીં. તેઓએ કસ્ટમર્સને આ ફી અને શુલ્ક વિશે જાણ કરવી પડશે. રિઝર્વ બેન્ક ઓફ ઈન્ડિયાએ બેન્કો અને NBFCને 1 ઓક્ટોબરથી રિટેલ અને MSME લોન લેનારા કસ્ટમર્સને વ્યાજ અને અન્ય ખર્ચ સહિત લોન વિશેની તમામ માહિતી પૂરી પાડવાની જરૂર પડશે. આ માટે RBIએ KFS એટલે કે ફેક્ટ સ્ટેટમેન્ટ નિયમ બનાવ્યો છે.

કેમ લેવાયો નિર્ણય?

KFSશું છે, તેનો અમલ ક્યારે થશે?

KFSએ સરળ ભાષામાં લોન કરારના મુખ્ય તથ્યોનું નિવેદન છે. તે ઋણ લેનારાઓને પ્રમાણિત ફોર્મેટમાં પ્રોવાઇડ કરવામાં આવે છે. સેન્ટ્રલ બેન્કના જણાવ્યા અનુસાર, નાણાકીય સંસ્થાઓ શક્ય તેટલી વહેલી તકે ગાઇડલાઇન લાગુ કરવા માટે જરૂરી પગલાં લેશે. ઑક્ટોબર 1, 2024ના રોજ અથવા તે પછી મંજૂર કરાયેલ તમામ નવી રિટેલ અને MSME ટર્મ લોનના કિસ્સામાં માર્ગદર્શિકાનું પાલન કરવામાં આવશે. આમાં વર્તમાન કસ્ટમર્સને આપવામાં આવેલી નવી લોનનો પણ સમાવેશ થાય છે.

થર્ડ પાર્ટી સર્વિસ પ્રોવાઇડર

આરબીઆઈના જણાવ્યા અનુસાર, ઉધાર લેતી સંસ્થાઓ પાસેથી થર્ડ પાર્ટી સર્વિસ પ્રોવાઇડર વતી કેન્દ્રીય બેન્કના કાર્યક્ષેત્રમાં આવતી સંસ્થાઓ દ્વારા એકત્રિત કરવામાં આવતી વીમા અને કાનૂની ફી જેવી રકમ પણ વાર્ષિક ટકાવારી દર (એપીઆર)નો એક ભાગ હશે. આ અલગથી જાહેર કરવું જોઈએ. જ્યાં પણ RE આવા શુલ્કની વસૂલાતમાં સામેલ હોય, ત્યાં વ્યાજબી સમયની અંદર દરેક ચુકવણી માટે ઋણ લેનારાઓને રસીદો અને સંબંધિત ડોક્યુમેન્ટ્સ પ્રોવાઇડ કરવામાં આવશે.

ક્રેડિટ કાર્ડ ડિસ્કાઉન્ટ

ઉપરાંત, આવા એક ચાર્જ કે જેનો KFSમાં ઉલ્લેખ નથી તે ક્રેડિટ કાર્ડ છે. કાર્ડના કાર્યકાળ દરમિયાન કોઈપણ તબક્કે ઉધાર લેનારની સ્પષ્ટ સંમતિ વિના આવા શુલ્ક વસૂલી શકાતા નથી.

આ પણ વાંચો-Bullet train : બુલેટ ટ્રેનમાં જઇશું અમદાવાદથી દિલ્હી, જાણો કયા કયા સ્ટેશનોએ મળી શકે છે સ્ટોપેજ?