PM Kisan 24th Installment: ખેડૂતોના ખાતામાં ક્યારે આવશે 24મા હપ્તાના 2000 રૂપિયા? અહીં જાણો તમામ લેટેસ્ટ અપડેટ

PM Kisan 24th Installment: પ્રધાનમંત્રી કિસાન સન્માન નિધિ (PM-કિસાન) યોજના હેઠળ સરકાર ખેડૂતોને આર્થિક રીતે સદ્ધર બનાવવા માટે સીધી મદદ કરે છે. આ યોજનામાં પાત્રતા ધરાવતા ખેડૂત પરિવારોને દર વર્ષે 6000 રૂપિયાની આર્થિક સહાય આપવામાં આવે છે. આ રકમ 2000 રૂપિયાના ત્રણ સરખા હપ્તામાં સીધી ખેડૂતોના બેંક ખાતામાં જમા કરવામાં આવે છે. હાલમાં દેશભરના ખેડૂતો 24મા હપ્તાની આતુરતાથી રાહ જોઈ રહ્યા છે.

24મો હપ્તો ક્યારે આવશે? જાણો સંભવિત તારીખ

સરકાર દ્વારા હજુ સુધી પીએમ કિસાનના 24મા હપ્તાને લઈને કોઈ સત્તાવાર તારીખ જાહેર કરવામાં આવી નથી. સામાન્ય રીતે આ યોજના હેઠળ દર ચાર મહિને એક હપ્તો આપવામાં આવે છે. 15 ઓક્ટોબર સુધી સત્તાવાર વેબસાઈટ પર 23મા હપ્તાની માહિતી જ લેટેસ્ટ અપડેટ તરીકે જોવા મળી રહી છે. અગાઉ 20 જૂનના રોજ પશ્ચિમ બંગાળના હુગલી જિલ્લાના તારકેશ્વરથી પ્રધાનમંત્રી દ્વારા 23મો હપ્તો જાહેર કરવામાં આવ્યો હતો.

નિયમો મુજબ, આગામી 24મો હપ્તો ઓગસ્ટથી નવેમ્બરની વચ્ચે આવવાની શક્યતા છે. જોકે, સરકારે હજુ સુધી કોઈ સત્તાવાર તારીખ નક્કી કરી નથી. ખેડૂતોને ખાસ સલાહ આપવામાં આવે છે કે તેઓ સોશિયલ મીડિયા પર ફરતી અફવાઓ કે ખોટા દાવાઓ પર વિશ્વાસ ન કરે અને માત્ર સત્તાવાર પોર્ટલ પર આવતા અપડેટ પર જ ધ્યાન આપે.

આ યોજના હેઠળ પાત્રતા ધરાવતા ખેડૂતોને વાર્ષિક 6000 રૂપિયા મળે છે. આ સહાય 2000 રૂપિયાના ત્રણ હપ્તામાં સીધી લાભાર્થીઓના બેંક એકાઉન્ટમાં ટ્રાન્સફર થાય છે. પીએમ કિસાન યોજનાનો મુખ્ય હેતુ ખેડૂતોને તેમની ખેતી અને ઘરની જરૂરિયાતો પૂરી કરવા માટે સીધી આર્થિક મદદ કરવાનો છે.

ખેડૂતો ઘરે બેઠા ઓનલાઈન પોર્ટલ પર જઈને પોતાનું રજિસ્ટ્રેશન, અંગત માહિતી અને પેમેન્ટ સ્ટેટસ ચેક કરી શકે છે. પોતાની માહિતી અપડેટ રાખવાથી ભવિષ્યમાં પેમેન્ટ અટકવાની સમસ્યાથી બચી શકાય છે.

જો પૈસા ખાતામાં ન આવે તો શું કરવું?

જો સરકારે હપ્તો જાહેર કરી દીધો હોય પરંતુ તમારા ખાતામાં પૈસા ન આવ્યા હોય, તો ગભરાવાની જરૂર નથી. સૌથી પહેલા સત્તાવાર પીએમ કિસાન પોર્ટલ પર જઈને તમારું પેમેન્ટ સ્ટેટસ ચેક કરો. પેમેન્ટ અટકવા પાછળ નીચે મુજબના કારણો હોઈ શકે છે:

* તમારે તમારું ઈ-કેવાયસી (e-KYC) પૂરું કરાવવું જરૂરી છે.

* તમારા જમીનના રેકોર્ડની ચકાસણી યોગ્ય રીતે થઈ છે કે નહીં તે ચેક કરો.

* તમારું આધાર કાર્ડ તમારા બેંક ખાતા સાથે લિંક હોવું ફરજિયાત છે.

જો તમારા ફોર્મમાં કોઈપણ પ્રકારની ભૂલ હોય, તો તેને સત્તાવાર માધ્યમો દ્વારા જલ્દીથી સુધારી લેવી જોઈએ. 24મા હપ્તાની લેટેસ્ટ માહિતી માટે સમયાંતરે પીએમ કિસાનની ઓફિશિયલ વેબસાઈટ ચેક કરતા રહેવું.

આ પણ વાંચો- દિવાળી પહેલાં મોટો ઝટકો! આજથી Gold ETF FoFમાં નહીં કરી શકો રોકાણ, જાણો રોકાણકારો માટે શું બદલાયું