3 પ્રાઇવેટ બેન્કો આપી રહી છે FD પર 9% થી વધુ વ્યાજ, જાણો પૈસા જમા કરાવવા પર તમને ક્યાં મળશે સૌથી વધુ ફાયદો

ફિક્સ્ડ ડિપોઝિટ હંમેશા સૌથી આસાન અને સિક્યોર ઇન્વેસ્ટ ઓપ્શનમાં ગણવામાં આવે છે. ફિક્સ્ડ ડિપોઝિટમાં ઇન્વેસ્ટ બજારના જોખમોથી સિક્યોર છે જેના કારણે મોટી સંખ્યામાં લોકો તેમના નાણાં બેન્ક એફડીમાં જમા કરાવે છે. છેલ્લા કેટલાક મહિનાઓ દરમિયાન, લગભગ તમામ સરકારી અને પ્રાઇવેટ બેન્કોએ FD પર વ્યાજ દરમાં વધારો કર્યો છે. આવી સ્થિતિમાં, આજે અમે તમને એવી ત્રણ પ્રાઇવેટ બેન્કો વિશે જણાવવા જઈ રહ્યા છીએ જ્યાં તમને FD પર 9% થી વધુ વ્યાજ આપવામાં આવી રહ્યું છે.

આ 3 બેન્કો FD પર 9%થી વધુ વ્યાજ ઓફર કરી રહી છે

યુનિટી સ્મોલ ફાઇનાન્સ બેન્ક

યુનિટી સ્મોલ ફાઇનાન્સ બેન્ક તેના કસ્ટમર્સને FD સ્કીમ્સ પર ખૂબ જ આકર્ષક દરે FD સ્કીમ ઓફર કરે છે. આ બેન્ક વરિષ્ઠ નાગરિકોને FD સ્કીમ પર 4.50 ટકાથી 9.50 ટકા સુધીના વ્યાજ દરો ઓફર કરે છે. આ બેન્ક 1,001 દિવસની મુદતવાળી FD સ્કીમ પર વરિષ્ઠ નાગરિકોને 9.50 ટકાના દરે વ્યાજ ઓફર કરી રહી છે.

ઉત્કર્ષ સ્મોલ ફાઇનાન્સ બેન્ક

27 ફેબ્રુઆરીના રોજ, ઉત્કર્ષ સ્મોલ ફાઇનાન્સ બેન્કે રૂપિયા 2 કરોડથી ઓછી ફિક્સ્ડ ડિપોઝિટ પરના વ્યાજ દરમાં વધારો કરવાની જાહેરાત કરી હતી. બેન્ક 700 દિવસની મૂડી પર સામાન્ય કસ્ટમર્સ માટે મહત્તમ 8.25 ટકા અને વરિષ્ઠ નાગરિકો માટે 9 ટકા વ્યાજ દર ઓફર કરી રહી છે.

ફિનકેર સ્મોલ ફાઇનાન્સ બેન્ક

ફિનકેર સ્મોલ ફાઇનાન્સ બેન્કે 24 માર્ચે રૂ. 2 કરોડથી ઓછી ફિક્સ્ડ ડિપોઝિટ પરના વ્યાજ દરમાં વધારો કર્યો હતો. 500 દિવસની ડિપોઝિટ મુદત પર, સામાન્ય ગ્રાહકને મહત્તમ 7.75 ટકા વળતર મળશે જ્યારે વરિષ્ઠ નાગરિકોને 8.35 ટકાનો લાભ મળશે. જ્યારે 1,000 દિવસ માટે, સામાન્ય જનતાને મહત્તમ 8.41 ટકા અને વરિષ્ઠ નાગરિકોને 9.01 ટકા વળતર મળી શકે છે.

આ પણ વાંચો - Heatwave Warnings: યુપી, મધ્યપ્રદેશ અને પંજાબ સહિત આ રાજ્યોમાં ગરમીની લહેર શરૂ, IMDએ જાહેર કર્યું એલર્ટ