ઉબેરની નવી પહેલ...હવે ઘરે બેઠા શ્રીનગરના ડલ લેક ખાતે શિકારા કરો બુક, જાણો બુકિંગની સંપૂર્ણ પ્રોસેસ

જો તમે કાશ્મીરની મુલાકાતે જવાના છો તો શ્રીનગરના ડલ લેકમાં શિકારાની મુલાકાત લીધા વિના તમે તમારી જાતને રોકી નહીં શકો. શિકારા બુકિંગ માટે તમારે ક્યાંય જવાની જરૂર નથી. હવે તમે તમારા ઘરના આરામથી ડલ તળાવના શિકારા બુક કરી શકો છો. એપ આધારિત કેબ બુકિંગ કંપની ઉબેરે તેની સર્વિસનો વિસ્તાર કર્યો છે. કંપનીએ જળ પરિવહન બુકિંગ સર્વિસ શરૂ કરી છે. કંપનીએ ઉબેર શિકારા સર્વિસ શરૂ કરી છે. આ સર્વિસ દ્વારા પ્રવાસીઓ એપ દ્વારા શિકારાને અગાઉથી બુક કરાવી શકે છે. જોકે કંપનીએ આ સર્વિસ થોડા સમયથી શરૂ કરી છે. તેનો હેતુ શિકારા બુકિંગમાં રજાઓની મોસમમાં ડલ તળાવની સુંદરતા જોવા આવતા પ્રવાસીઓને મદદ કરવાનો છે.

રાઇડ-હેલિંગ સર્વિસ પ્રોવાઇડર Uber, એશિયાની પ્રથમ જળ પરિવહન સર્વિસ

ગ્રાહકો સરકાર દ્વારા મંજૂર કરાયેલા દરે રાઈડનો આનંદ માણી શકે છે, સમગ્ર ભાડું સીધું શિકારા ઓપરેટરોને જાય છે, કારણ કે Uber કોઈ કમિશન વસૂલતું નથી. દરેક શિકારા રાઈડમાં વધુમાં વધુ ચાર મુસાફરો બેસી શકે છે અને એક કલાક સુધી ચાલે છે. શિકારા ઘાટ નંબર 16 થી શરૂ કરીને સવારે 10 થી સાંજના 5 વાગ્યા સુધી બુકિંગ ઉપલબ્ધ છે. યુઝર્સ તેમની સવારી 12 કલાક અગાઉ અથવા 15 દિવસ અગાઉથી શેડ્યૂલ કરી શકે છે, જે Uber યુઝર્સને મુસાફરીનો વધુ સારો અનુભવ આપે છે.

ઉબેરનું આ નવીન પગલું માત્ર તેના સર્વિસ પોર્ટફોલિયોમાં વધારો કરતું નથી પરંતુ સ્થાનિક પ્રવાસનને પણ પ્રોત્સાહન આપે છે. કંપનીએ કહ્યું, "અમે ખૂબ જ ઉત્સાહિત છીએ કે અમે ઉબેરને શ્રીનગરમાં લાવ્યા છીએ. ઉબેર શિકારા દ્વારા, અમારો એક પ્રયાસ પ્રવાસીઓને એપ દ્વારા શિકારા બુક કરાવવાની સુવિધા આપવાનો છે. અહીં વિદેશી પ્રવાસીઓની પણ ભારે ભીડ છે. એ. ડલ લેકની સફર આ એપ વિના અધૂરી છે, જે પ્રવાસીઓને 12 કલાક અગાઉથી રાઇડ બુક કરવાની મંજૂરી આપે છે. દરો અંગે કોઈ સમસ્યા રહેશે નહીં અને વાહનચાલકોને વ્યવસાયની તકો પણ ઉપલબ્ધ થશે.

આ પણ વાંચો-Closing Bell: સેન્સેક્સ 111 પોઇન્ટ, તો નિફ્ટી 24,450ની ઉપર બંધ- રિયલ્ટી, બેન્કના શેર્સમાં જોવા મળી રોનક