દિવાળી વેકેશન બાદ પરત ફરતા મુસાફરો માટે રાહત! અમદાવાદ અને બાંદ્રા ટર્મિનસ વચ્ચે દોડશે સ્પેશિયલ ટ્રેન, જાણો સમય અને સ્ટોપેજ | Moneycontrol Gujarati
Get App

દિવાળી વેકેશન બાદ પરત ફરતા મુસાફરો માટે રાહત! અમદાવાદ અને બાંદ્રા ટર્મિનસ વચ્ચે દોડશે સ્પેશિયલ ટ્રેન, જાણો સમય અને સ્ટોપેજ

દિવાળી વેકેશન પૂરું થતાં મુસાફરોની ભારે ભીડને ધ્યાનમાં રાખીને પશ્ચિમ રેલવે દ્વારા 21 અને 22 નવેમ્બરે અમદાવાદ-બાંદ્રા ટર્મિનસ વચ્ચે સ્પેશિયલ ટ્રેન દોડાવવાનો નિર્ણય લેવાયો છે.

અપડેટેડ 05:47:57 PM Nov 19, 2026 પર
Story continues below Advertisement
રેલવે તંત્ર દ્વારા અમદાવાદ અને બાંદ્રા ટર્મિનસ વચ્ચે વિશેષ ભાડા પર સ્પેશિયલ ટ્રેન દોડાવવાની જાહેરાત કરવામાં આવી છે.

Western Railway Special Train: દિવાળીના તહેવારો અને વેકેશન દરમિયાન પોતાના વતન કે ફરવા ગયેલા લોકો હવે મોટી સંખ્યામાં પરત ફરી રહ્યા છે. જેના કારણે રેગ્યુલર ટ્રેનોમાં મુસાફરોનો ભારે ધસારો જોવા મળી રહ્યો છે. મુસાફરોની આ ભીડને પહોંચી વળવા અને લોકો સરળતાથી તેમજ આરામદાયક રીતે મુસાફરી કરી શકે તે માટે પશ્ચિમ રેલવે દ્વારા એક મહત્વનો નિર્ણય લેવામાં આવ્યો છે.

રેલવે તંત્ર દ્વારા અમદાવાદ અને બાંદ્રા ટર્મિનસ વચ્ચે વિશેષ ભાડા પર સ્પેશિયલ ટ્રેન દોડાવવાની જાહેરાત કરવામાં આવી છે. આ સ્પેશિયલ ટ્રેન આગામી 21 નવેમ્બર (શનિવાર) અને 22 નવેમ્બર (રવિવાર) ના રોજ બંને દિશામાં એક-એક ફેરો કરશે.

સ્પેશિયલ ટ્રેનનો સમય અને સંપૂર્ણ શિડ્યુલ


મુસાફરોની સુવિધા માટે દોડાવવામાં આવનારી આ બંને ટ્રેનોનું સમયપત્રક નીચે મુજબ રહેશે:

બાંદ્રા ટર્મિનસ - અમદાવાદ સ્પેશિયલ (ટ્રેન નં. 09023): આ ટ્રેન 21 નવેમ્બર, 2026 (શનિવાર) ના રોજ વહેલી સવારે 04:30 વાગ્યે બાંદ્રા ટર્મિનસથી ઉપડશે. આ ટ્રેન સવારે 05:00 વાગ્યે બોરીવલી અને સવારે 08:55 વાગ્યે સુરત પહોંચશે, તથા તે જ દિવસે બપોરે 13:50 વાગ્યે (01:50 PM) અમદાવાદ પહોંચશે.

અમદાવાદ - બાંદ્રા ટર્મિનસ સ્પેશિયલ (ટ્રેન નં. 09024): વળતી મુસાફરીમાં આ ટ્રેન 22 નવેમ્બર, 2026 (રવિવાર) ના રોજ મધ્યરાત્રિએ 02:30 વાગ્યે અમદાવાદથી ઉપડશે અને તે જ દિવસે બપોરે 12:00 વાગ્યે બાંદ્રા ટર્મિનસ પહોંચશે.

કયા 7 સ્ટેશનો પર ઉભી રહેશે આ ટ્રેન?

દિવાળી વેકેશન બાદ પરત ફરતા ગુજરાત અને મહારાષ્ટ્રના મુસાફરોને લાભ મળી રહે તે માટે આ સ્પેશિયલ ટ્રેન બંને દિશામાં મુસાફરી દરમિયાન કુલ 7 મહત્વના સ્ટેશનો પર રોકાશે. જેમાં બોરીવલી, પાલઘર, વાપી, સુરત, ભરૂચ, વડોદરા અને આણંદ રેલવે સ્ટેશનનો સમાવેશ થાય છે.

તમામ વર્ગના કોચની સુવિધા અને ટિકિટ બુકિંગ શરૂ

દરેક વર્ગના મુસાફરો પોતાના બજેટ મુજબ મુસાફરી કરી શકે તે માટે આ ટ્રેનમાં ફર્સ્ટ એસી (1st AC), સેકન્ડ એસી (2nd AC), થર્ડ એસી (3rd AC), સ્લીપર ક્લાસ, એસી ચેર કાર તેમજ જનરલ કેટેગરીના કોચ જોડવામાં આવશે. ટ્રેન નંબર 09023 અને 09024 માટે ટિકિટનું બુકિંગ તમામ પેસેન્જર રિઝર્વેશન સેન્ટરો પર શરૂ કરી દેવામાં આવ્યું છે.

આ પણ વાંચો-PUC New Rules: સરકારે બદલ્યા PUC સર્ટિફિકેટના નિયમો, BS-4 ગાડીઓને દર 6 મહિને કરાવવો પડશે ટેસ્ટ અને BS-6 વાહનોને મળી મોટી રાહત

MoneyControl News

MoneyControl News

First Published: Nov 19, 2026 5:47 PM

પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ,  Stock Tips,  સમાચાર, પર્સનલ ફાઇનાન્સ  અને બિઝનેસ  સંબંધિત સમાચાર વાંચો. દૈનિક બજાર અપડેટ્સ માટે Moneycontrol App  ડાઉનલોડ કરો.