શું મહિલા સન્માન બચત પ્રમાણપત્ર પર ટેક્સ મુક્તિનો મળશે બેનિફિટ? જાણો આને લગતી તમામ વિગતો

સામાન્ય બજેટ 2023 રજૂ કરતા, કેન્દ્રીય નાણાં પ્રધાન નિર્મલા સીતારમણે મહિલાઓને ધ્યાનમાં રાખીને નવી યોજના મહિલા સન્માન બચત પ્રમાણપત્ર (MSSC) શરૂ કરવાની જાહેરાત કરી. ખાસ કરીને મહિલાઓને ધ્યાનમાં રાખીને શરૂ કરાયેલી આ યોજના પોસ્ટ ઓફિસ દ્વારા ચલાવવામાં આવી રહી છે. મોટાભાગની પોસ્ટ ઓફિસ યોજનાઓમાં, જમાકર્તાઓને આવકવેરા કાયદાની કલમ 80C હેઠળ કર કપાતનો લાભ મળે છે. આવી સ્થિતિમાં ઘણા લોકોના મનમાં એવો સવાલ છે કે શું મહિલા સન્માન બચત પ્રમાણપત્ર (MSSC) અપનાવ્યા પછી પણ ટેક્સનો લાભ મળી શકશે કે નહીં? ચાલો જાણીએ તેનાથી સંબંધિત તમામ માહિતી.

MSSC સ્કીમ શું છે

સૌ પ્રથમ, મહિલા સન્માન બચત પ્રમાણપત્ર (MSSC) યોજના સંબંધિત વિગતો વિશે જાણવું મહત્વપૂર્ણ છે. આ યોજનાની જાહેરાત વર્ષ 2023-24ના બજેટમાં કરવામાં આવી હતી. મહિલા સન્માન બચત પ્રમાણપત્ર યોજના બે વર્ષ માટે લવચીક રોકાણ અને મહત્તમ રૂ. 2 લાખની રોકાણ મર્યાદા સાથે આંશિક ઉપાડ અને દર ત્રણ મહિને ચક્રવૃદ્ધિ વ્યાજનો લાભ આપે છે. આ યોજના 31 માર્ચ 2025 સુધી એટલે કે માત્ર બે વર્ષ માટે માન્ય છે. પોસ્ટ ઓફિસની આ યોજનામાં 7.5 ટકાના દરે વ્યાજ દરનો બેનિફિટ મળે છે.

આ યોજના માટે કેવી રીતે અરજી કરી શકાય