Tax Savings: તમે રોકાણ કર્યા વિના પણ આ રીતે બચાવી શકો છો ટેક્સ, જાણો આ આસાન ટ્રિક

Tax Savings: જો તમારી આવક ટેક્સ સ્લેબની અંદર છે, તો તમે એ પણ જાણો છો કે તમારે તમારી પાત્રતા મુજબ દર નાણાકીય વર્ષમાં ટેક્સ ચૂકવવો પડશે. ઘણી વખત કોઈનો ટેક્સ ઘણો કપાઈ જાય છે. આવી સ્થિતિમાં ટેક્સ બચાવવા માટે રોકાણના સાધનો તરફ વળવું પડશે. પરંતુ તમે કોઈપણ સાધનમાં રોકાણ કર્યા વિના પણ ટેક્સ બચાવી શકો છો. આના માટે કેટલાક વિકલ્પો છે જેમાં તમને પેમેન્ટ પર ટેક્સ છૂટ મળે છે.

બાળકો માટે ટ્યુશન ફી

આવકવેરા કાયદા હેઠળ, દેશની કોઈપણ યુનિવર્સિટી, કોલેજ, શાળા અથવા અન્ય શૈક્ષણિક સંસ્થાને ચૂકવવામાં આવતી ટ્યુશન ફી પર 1,50,000 રૂપિયા સુધીની કપાતની મંજૂરી છે. આ કપાત વ્યક્તિના મેક્સિમમ બે બાળકોના પૂર્ણ-સમયના શિક્ષણ માટે ઉપલબ્ધ છે. હા, ડેવલપમેન્ટ ફી, દાન અથવા તેના જેવા ખર્ચ માટે કરવામાં આવેલી ચૂકવણી આ કપાત હેઠળ આવતી નથી. પૂર્ણ સમયના શિક્ષણમાં પ્લે-સ્કૂલ પ્રવૃત્તિઓ, પ્રી-નર્સરી અને નર્સરી વર્ગોનો સમાવેશ થાય છે.

તમે દાન કરીને પણ ટેક્સ બચાવી શકો છો

મેડિકલ વીમા પ્રીમિયમ પર ટેક્સ મુક્તિ

આવકવેરા અધિનિયમની કલમ 80D હેઠળ, વ્યક્તિઓ પોતાના માટે, તેમના જીવનસાથી, બાળકો અને માતાપિતા માટે તબીબી વીમા પૉલિસી માટે ચૂકવવામાં આવેલા પ્રીમિયમ માટે કપાતનો દાવો કરી શકે છે. મેક્સિમમ કપાત મર્યાદા વીમેદાર વ્યક્તિની ઉંમર અને પોલિસીના પ્રકારને આધારે બદલાય છે. તબીબી વીમા પ્રિમિયમના સંદર્ભમાં દર વર્ષે રૂપિયા 25,000 સુધીનો દાવો કરી શકાય છે. ઉપરાંત, વરિષ્ઠ નાગરિકો 50,000 રૂપિયા સુધીની ઉચ્ચ કપાતનો લાભ લઈ શકે છે.

આ પણ વાંચો - ઓવૈસીના 'જય પેલેસ્ટાઈન'ના નારાથી ખળભળાટ, મામલો રાષ્ટ્રપતિ સુધી પહોંચ્યો, શું સભ્યપદ થશે રદ્દ?