Midwest Share: આ શેર કરાવશે તગડી કમાણી! Motilal Oswalએ આપ્યો 'Buy' કોલ, 54% સુધીના રિટર્નની આશા

Midwest Share Price: શેરબજારમાં તાજેતરમાં લિસ્ટ થયેલી ગ્રેનાઈટ અને માઈનિંગ કંપની Midwest Limitedના રોકાણકારો માટે સારા સમાચાર આવ્યા છે. જાણીતા બ્રોકરેજ હાઉસ Motilal Oswalએ આ કંપની પર પોતાનું પ્રથમ એનાલિસ્ટ કવરેજ શરૂ કર્યું છે. બ્રોકરેજે આ શેરમાં દમદાર તેજીના સંકેત આપતા 'Buy' (ખરીદો) રેટિંગ આપ્યું છે. રિપોર્ટ બાદ શુક્રવારે, 26 ડિસેમ્બરે કંપનીના શેરમાં 4.6%નો ઉછાળો જોવા મળ્યો હતો અને BSE પર શેર 1700.65 રૂપિયાની નવી ટોચ પર પહોંચી ગયો હતો.

Motilal Oswalનો ટાર્ગેટ અને બુલ કેસ સિનેરિયો

Motilal Oswal એ Midwest ના શેર માટે બેઝ કેસમાં 2000 રૂપિયાનો ટાર્ગેટ આપ્યો છે. જોકે, બુલ કેસ સિનેરિયો (તેજીની સ્થિતિ) માટે બ્રોકરેજે 2500 રૂપિયા પ્રતિ શેરનો ટાર્ગેટ સેટ કર્યો છે. આ ટાર્ગેટ બુધવારના ક્લોઝિંગ પ્રાઈઝ કરતા લગભગ 54% વધારે છે.

કંપનીનું લિસ્ટિંગ અને પરફોર્મન્સ

કંપનીના લિસ્ટિંગ અને પરફોર્મન્સની વાત કરીએ તો Midwest ઓક્ટોબર 2025 માં શેરબજારમાં લિસ્ટ થઈ હતી. કંપનીનો 451.10 કરોડ રૂપિયાનો IPO 92.36 ગણો ભરાયો હતો. હાલમાં કંપનીનું માર્કેટ કેપ 6000 કરોડ રૂપિયા છે. કંપનીમાં પ્રમોટર્સનો હિસ્સો 77.13% છે. છેલ્લા એક મહિનામાં આ શેર લગભગ 40% મજબૂત થયો છે.

કંપનીનો બિઝનેસ અને મજબૂત ગ્રોથ

રિપોર્ટ અનુસાર, Midwestનું કોર બિઝનેસ મોડલ ખૂબ જ મજબૂત છે. કંપની ભારતમાં પ્રીમિયમ 'બ્લેક ગેલેક્સી ગ્રેનાઈટ'ની સૌથી મોટી પ્રોડ્યુસર અને એક્સપોર્ટર છે. તે 'એબ્સોલ્યુટ બ્લેક ગ્રેનાઈટ' ક્ષેત્રે પણ દિગ્ગજ કંપની માનવામાં આવે છે. Midwest વર્ટીકલી-ઈન્ટીગ્રેટેડ કંપની છે અને તેની સપ્લાય ચેઈન 20 ખાણો ઓપરેટ કરે છે. કંપનીએ FY25 માં 630 કરોડ રૂપિયાનું રેવેન્યુ જનરેટ કર્યું હતું. છેલ્લા 5 વર્ષોમાં કંપનીનો કમ્પાઉન્ડ એન્યુઅલ ગ્રોથ રેટ (CAGR) 21%થી વધુ રહ્યો છે. બ્રોકરેજનું અનુમાન છે કે નવી ખાણો અને ક્લસ્ટર-બેઝ્ડ વિસ્તરણને કારણે FY28 સુધીમાં ગ્રેનાઈટ વોલ્યુમ વધીને 1,50,000 પ્રતિ ક્યુબિક મીટર (cbm) સુધી પહોંચી શકે છે. FY25-28 દરમિયાન કંપનીની આવક અને EBIT બંનેમાં 12% ની CAGR વૃદ્ધિ થવાની ધારણા છે.