Budget 2026: CNG કાર ચાલકોને જલસા! બજેટમાં મોટી જાહેરાત, હવે સસ્તામાં થશે મુસાફરી - જાણો શું બદલાયું?

Budget 2026: કેન્દ્રીય નાણામંત્રી નિર્મલા સીતારમણે બજેટ 2026માં વાહન ચાલકો, ખાસ કરીને મધ્યમ વર્ગ માટે રાહતના સમાચાર આપ્યા છે. પેટ્રોલ-ડીઝલના વધતા ભાવ વચ્ચે હવે સીએનજી (CNG) અને બાયોગેસ સસ્તા કરવાની જાહેરાત કરવામાં આવી છે. સરકારના આ નિર્ણયથી સીએનજી કાર માલિકો અને પબ્લિક ટ્રાન્સપોર્ટ ઓપરેટર્સના ઈંધણ ખર્ચમાં સીધો ઘટાડો થશે.

નિયમોમાં શું ફેરફાર થયો?

નાણામંત્રીએ બજેટમાં બાયોગેસ મિશ્રિત સીએનજી (Biogas Blended CNG) પર કસ્ટમ ડ્યુટી ગણવાની પદ્ધતિમાં મોટો ફેરફાર કર્યો છે.

પહેલા શું હતું?

હવે શું થશે?

હવેથી કસ્ટમ ડ્યુટીની ગણતરી કરતી વખતે બાયોગેસની કિંમતને અલગ રાખવામાં આવશે અથવા તેના પર છૂટ આપવામાં આવશે. જેના કારણે ટેક્સનો બોજ ઘટશે અને ગેસના ભાવ નીચે આવશે.

ઈલેક્ટ્રિક વાહનો (EV) પણ થશે સસ્તા

સીએનજી ઉપરાંત જે લોકો ઈલેક્ટ્રિક કાર કે સ્કૂટર લેવાનું વિચારી રહ્યા છે, તેમના માટે પણ ખુશખબર છે. બજેટમાં ઈવી બેટરી (EV Battery) સસ્તી કરવાની પણ જાહેરાત કરવામાં આવી છે. બેટરી સસ્તી થવાથી સ્વાભાવિક રીતે જ ઈલેક્ટ્રિક વાહનોની કિંમતમાં ઘટાડો થશે.

કોને થશે સૌથી વધુ ફાયદો?

વાહન ચાલકો: સીએનજી કાર, રિક્ષા અને ટેક્સી ચલાવતા લોકોનો રોજિંદો ખર્ચ (Running Cost) ઘટશે, જેથી મુસાફરી વધુ કિફાયતી બનશે.

ઓટો ઇન્ડસ્ટ્રી: સીએનજી અને ફ્લેક્સ-ફ્યુલ ટેકનોલોજીમાં નવું રોકાણ આવશે.

ગ્રામીણ ભારત: બાયોગેસના ઉત્પાદનને વેગ મળવાથી ખેડૂતો અને ગામડાઓમાં કમાણીની નવી તકો ઉભી થશે. 'વેસ્ટ ટુ એનર્જી' પ્રોજેક્ટ્સને વેગ મળશે.

પર્યાવરણને પણ લાભ

સરકારના આ પગલાથી માત્ર ખિસ્સાને જ નહીં પણ પર્યાવરણને પણ ફાયદો થશે. બાયોગેસ અને સીએનજીનો વપરાશ વધવાથી કાર્બન ઉત્સર્જન ઘટશે અને ભારત વિદેશી ઈંધણ પરની નિર્ભરતા ઘટાડી શકશે. નિષ્ણાતો માને છે કે જો રાજ્ય સરકારો પણ સાથ આપે તો આ નિર્ણય ગેમ ચેન્જર સાબિત થઈ શકે છે.

આ પણ વાંચો-Budget 2026: મિડલ ક્લાસના હાથ ખાલી! ટેક્સ સ્લેબમાં કોઈ ફેરફાર નહીં, શેરબજારના રોકાણકારોને પણ મોટો ઝટકો - જાણો વિગત