Union Budget 2026-27: MSMEsએ નાણાં મંત્રીને કરી સ્પષ્ટ માંગ, ઉત્પાદન વધારવા માટે 'ટેક્નોલોજી ફંડ' વધારો

Union Budget 2026-27: કેન્દ્રીય નાણાં મંત્રી નિર્મલા સીતારમણ ફેબ્રુઆરીમાં તેમનું કેન્દ્રીય બજેટ રજૂ કરવા જઈ રહ્યા છે. આ બજેટ એવા સમયે તૈયાર થઈ રહ્યું છે, જ્યારે વૈશ્વિક સ્તરે અસ્થિરતા અને અમેરિકા દ્વારા ભારતીય ઉત્પાદનો પર ભારે ટેરિફની મોટી ચિંતાઓ છે.

આર્થિક પડકારોની વચ્ચે, દેશના સૂક્ષ્મ, લઘુ અને મધ્યમ ઉદ્યોગો (MSMEs) એ આગામી કેન્દ્રીય બજેટ 2026-27 માટે સરકાર સમક્ષ પોતાની માંગ સ્પષ્ટ કરી દીધી છે. MSME ક્ષેત્રના પ્રતિનિધિઓએ નાણાં મંત્રી નિર્મલા સીતારમણ સાથેની પ્રી-બજેટ બેઠકમાં ભારપૂર્વક જણાવ્યું કે, ઉત્પાદન ક્ષમતા વધારવા અને વૈશ્વિક સ્તરે સ્પર્ધાત્મકતા સુધારવા માટે ટેક્નોલોજી અપગ્રેડેશન ફંડ માં મોટો વધારો થવો જરૂરી છે.

ઉત્પાદન અને સ્પર્ધાત્મકતાની ચાવી: ટેક્નોલોજી ફંડ

MSME પ્રતિનિધિઓનું કહેવું છે કે, ટેક્નોલોજીના આધુનિકીકરણ વગર ઉત્પાદન વધારવું મુશ્કેલ છે. પીટીઆઈના રિપોર્ટ મુજબ, વિવિધ ઉદ્યોગ સંગઠનોએ આ બેઠક દરમિયાન સરકાર પાસે અન્ય બે મુખ્ય બાબતોની પણ માંગ કરી:

સસ્તી અને સરળ લોન (ઋણ) સુવિધા: મૂડીની સરળ ઉપલબ્ધતા ઉદ્યોગ માટે ખૂબ જરૂરી છે.

નિકાસ બજારો સુધી સરળ પહોંચ: વૈશ્વિક પડકારો વચ્ચે નિકાસને પ્રોત્સાહન આપવું જરૂરી છે.

આ બેઠકનું આયોજન નાણાં મંત્રાલય દ્વારા આગામી બજેટ 2026-27 માટે જરૂરી સૂચનો અને ઇનપુટ્સ લેવા માટે કરવામાં આવ્યું હતું, જે 1 ફેબ્રુઆરી 2026 ના રોજ રજૂ થવાનું છે.