Bangladesh economic crisis: પડોશી દેશમાં ફ્યુઅલ પ્રાઇસમાં ભડકો, પેટ્રોલ-ડીઝલ અને કેરોસીનના ભાવ પહોંચ્યા આસમાને

* કેરોસીન: 135 ટકાથી વધીને 155 ટકા પ્રતિ લિટર

(તમારી જાણકારી માટે: ભારતીય ચલણ મુજબ 1 રૂપિયો એટલે આશરે 1.28 બાંગ્લાદેશી ટકા થાય છે.)

સરકારે શા માટે વધાર્યા ભાવ?

આંતરરાષ્ટ્રીય બજારમાં છેલ્લા કેટલાક સમયથી ક્રૂડ ઓઈલના ભાવમાં ભડકો થયો છે. આ ઉપરાંત મિડલ ઈસ્ટના તણાવને કારણે શિપિંગ ખર્ચ પણ ઘણો વધી ગયો છે. આ વૈશ્વિક પરિબળોને કારણે બાંગ્લાદેશની સરકારી કંપની ‘બાંગ્લાદેશ પેટ્રોલિયમ કોર્પોરેશન'ને માર્ચથી ઓગસ્ટ મહિના વચ્ચે જ 228.76 અબજ ટકા લગભગ 1.9 અબજ ડોલરનું જંગી નુકસાન વેઠવું પડ્યું છે. આ આર્થિક ખાડાને પૂરવા માટે જ સરકારે આ આકરો નિર્ણય લીધો છે.

સરકારનું માનવું છે કે આ નવા ભાવવધારાથી વાર્ષિક નુકસાનમાં આશરે 100 અબજ ટકાનો ઘટાડો થશે. આ ઉપરાંત, આ નિર્ણયથી દેશનું વિદેશી હૂંડિયામણ બચશે અને પડોશી દેશોમાં જ્યાં ભાવ વધુ છે ત્યાં થતી ઈંધણની દાણચોરી પર પણ બ્રેક વાગશે.

ગેસ અને વીજળીની સપ્લાય પર અસર

આંતરરાષ્ટ્રીય બજારમાં વધેલા ભાવની ભરપાઈ કરવા સરકારે આ જ વર્ષે એપ્રિલ અને જૂન મહિનામાં પણ તેલના ભાવ વધાર્યા હતા. ઊર્જા મંત્રાલયે સ્પષ્ટ કર્યું છે કે, મોંઘા આયાત ખર્ચ અને આસપાસના વિસ્તારોમાં ચાલતા ઊર્જા સંકટ છતાં, દેશમાં વીજળી અને ગેસની સપ્લાય જાળવી રાખવા માટે સરકાર લિક્વિફાઈડ નેચરલ ગેસ એટલે કે LNG પર સતત મોટી સબસિડી આપી રહી છે. જોકે, આ તાજા ફ્યુઅલ ભાવવધારાથી સામાન્ય જનતાના ઘરના બજેટ પર સીધી અને મોટી અસર પડવી નિશ્ચિત છે.