Latest bullion market news: અમેરિકામાં સેન્ટ્રલ બેન્ક દ્વારા વ્યાજદરમાં વધારો કરવામાં આવતા જ વૈશ્વિક બજારોમાં ભારે ઉથલપાથલ મચી ગઈ છે. વ્યાજદર વધવાને કારણે વૈશ્વિક સ્તરે ડોલરનો ઇન્ડેક્સ મજબૂત થયો છે, જેની સીધી અસર કિંમતી ધાતુઓ અને ક્રૂડ ઓઈલ પર જોવા મળી છે. નવી માંગ ધીમી પડતા ઝવેરી બજારમાં સોના-ચાંદી અને પ્લેટિનમના ભાવમાં પીછેહઠ જોવા મળી છે.
Bullion market news: અમેરિકામાં વ્યાજદર વધતા સોના-ચાંદી અને ક્રૂડ ઓઈલમાં કડાકો, જાણો આજના લેટેસ્ટ બજાર ભાવ
US interest rate hike impact: અમેરિકામાં વ્યાજદર વધારાની સીધી અસર ગ્લોબલ માર્કેટ પર પડી છે. સોના-ચાંદી, પ્લેટિનમ અને ક્રૂડ ઓઈલના ભાવમાં ભારે ઘટાડો નોંધાયો છે. જાણો આજના લેટેસ્ટ બજાર ભાવ.
MoneyControl Newsઅપડેટેડ Sep 18, 2026 પર 10:49 AM
અમદાવાદ અને મુંબઈ ઝવેરી બજારની સ્થિતિ
સ્થાનિક બજારોની વાત કરીએ તો અમદાવાદ અને મુંબઈમાં કિંમતી ધાતુઓના ભાવમાં મોટો ઘટાડો નોંધાયો છે.
અમદાવાદ ઝવેરી બજારના આજના ભાવ:
સોનું: 10 ગ્રામ દીઠ રૂ. 500 નો ઘટાડો થયો. (995 શુદ્ધતાનો ભાવ રૂ. 155700 અને 999 શુદ્ધતાનો ભાવ રૂ. 156000 રહ્યો).
ચાંદી: 1 કિલો દીઠ સીધો રૂ. 3000 નો કડાકો બોલી ગયો, જેના કારણે નવો ભાવ રૂ. 232000 પર પહોંચી ગયો છે.
મુંબઈ બુલિયન માર્કેટના આજના ભાવ - GST વગર
સોનું: 10 ગ્રામ દીઠ રૂ. 500 ઘટીને 995 નો ભાવ રૂ. 151241 અને 999 નો ભાવ રૂ. 151849 નોંધાયો.
ચાંદી: કિલો દીઠ રૂ. 2000 ઘટીને નવો ભાવ રૂ. 229642 રહ્યો.
પ્લેટિનમ: 10 ગ્રામના ભાવમાં રૂ. 200 નો ઘટાડો થતાં ભાવ રૂ. 60818 રહ્યો.
વિશ્વ બજારમાં સોના-ચાંદીની બેતરફી ચાલ
ઇન્ટરનેશનલ માર્કેટમાં આજે સોના અને ચાંદીમાં ભારે ઉછળકૂદ જોવા મળી હતી. શરૂઆતમાં સોનાના ભાવ ઔંસ દીઠ 4346 થી 4347 ડોલરથી તૂટીને 4257 ડોલર સુધી પહોંચ્યા હતા. જોકે, ત્યારબાદ તેમાં રિકવરી આવતા ભાવ ફરી વધીને 4342 થી 4343 ડોલર પર સેટલ થયા હતા. ચાંદીમાં પણ નિચલા મથાળે 64.74 ડોલરથી ઉછળીને 67.19 ડોલરની સપાટી જોવા મળી હતી, જે અંતે 66.20 થી 66.21 ડોલર પર ટકી હતી.
ક્રૂડ ઓઈલમાં કેમ આવ્યો ઘટાડો?
મજબૂત ડોલરની સાથે સાથે સાઉદી અરેબિયા દ્વારા ઓમાન માર્ગે ક્રૂડની નિકાસ વધારવામાં આવી રહી હોવાના અહેવાલો મળ્યા છે. આ સમાચારની સીધી અસર ક્રૂડના ભાવ પર પડી છે. બ્રેન્ટ ક્રૂડ ઓઈલ બેરલ દીઠ 107.25 ડોલરથી ઘટીને 102.85 ડોલર સુધી નીચે ગયું હતું અને અંતે 103.30 ડોલર પર રહ્યું. યુએસ ક્રૂડ પણ ઘટીને 100.33 ડોલરના નીચા સ્તરે જઈ અંતે 100.70 ડોલર નોંધાયું હતું.
અન્ય ધાતુઓ અને ગ્લોબલ બેન્કોની સ્થિતિ
વૈશ્વિક બજારમાં પ્લેટિનમનો ભાવ 1789 ડોલર અને પેલેડિયમનો ભાવ 1292 ડોલર રહ્યો હતો. જોકે, કોપર (તાંબુ) ના ભાવમાં 1.28 ટકાનો ઉછાળો જોવા મળ્યો હતો.
અમેરિકાએ વ્યાજદર વધાર્યા છે, પરંતુ તેની સામે બેન્ક ઓફ ઈંગ્લેન્ડે બ્રિટનમાં વ્યાજદર વધારવાને બદલે જાળવી રાખવાનો નિર્ણય લીધો છે. આ વિરોધાભાસી વલણને કારણે માર્કેટ એક્સપર્ટ્સમાં ભારે ચર્ચા જાગી છે. હવે દુનિયાભરના રોકાણકારોની નજર આગામી સમયમાં યોજાનારી 'બેન્ક ઓફ જાપાન'ની મિટિંગ પર ટકેલી છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.