કોમોડિટી લાઈવ: ક્રૂડમાં તેજી યથાવત્, બ્રેન્ટ $71ને પાર, સોના-ચાંદીમાં ઉપલા સ્તરેથી વેચવાલી

સોનામાં ઉપલા સ્તરેથી નફાવસુલીનું દબાણ જોવા મળ્યું, જ્યાં, COMEX પર ઓલ ટાઈમ હાઈના સ્તરેથી કિંમતો તૂટી, તેમ છતા ભાવ 3000 ડૉલરના સ્તરની ઉપર સ્થિર છે, જ્યારે સ્થાનિક બજારમાં પણ ફ્લેટ કામકાજ જોવા મળ્યું હતું.

ચાંદીમાં શરૂઆતી કારોબાર પોઝિટીવ નોટ સાથે થતો દેખાયો, જ્યાં વૈશ્વિક બજારમાં ભાવ 33 ડૉલરની ઉપર રહ્યા, તો સ્થાનિક બજારમાં આશરે અડધા ટકાથી વધુની તેજી જોવા મળી, પણ ભાવ 1 લાખના સ્તરની નીચે આવતા દેખાયા હતા.

ડૉલર ઇન્ડેક્સમાં વેચવાલીના કારણે વૈશ્વિક બજારમાં કોપરની કિંમતો રેકોર્ડ ઉપલા સ્તરે પહોંચી, ચાઈના તરફથી રાહત પેકેજ મળવાની આશાએ મેન્યુફેક્ચરિંગ એક્ટિવિટી વધે તેવા અનુમાને મેટલ્સને સપોર્ટ મળ્યો, અહીં શરૂઆતી કારોબારમાં સ્થાનિક બજારમાં લેડ સિવાય તમામ મેટલ્સમાં મજબૂતી જોવા મળી હતી.

વૈશ્વિક બજારમાં કિંમતો રેકોર્ડ સ્તરની પાસે પહોંચી. US ભાવ LME પર રેકોર્ડ પ્રીમિયમ પર ટ્રેડ થઈ રહ્યા છે. અમેરિકાએ કોપર પરના આયાત ટેરિફની સમીક્ષા કરી. મેન્યુફેક્ચરિંગ એક્ટિવિટી સુધરતા ચાઈનામાં ડિમાન્ડ વધી.