સોના-ચાંદીમાં ભયંકર કડાકો! ટ્રમ્પના એક નિવેદનથી સોનું 2300 અને ચાંદી 7000 તૂટી, જાણો 24K ગોલ્ડના લેટેસ્ટ રેટ

અમેરિકા અને ઈરાન વચ્ચે વધી રહેલા યુદ્ધના તણાવની સીધી અસર હવે બુલિયન માર્કેટ (સોના-ચાંદીના બજાર) પર જોવા મળી રહી છે. અમેરિકી રાષ્ટ્રપતિ ડોનાલ્ડ ટ્રમ્પના એક નિવેદન બાદ મલ્ટી કોમોડિટી એક્સચેન્જ પર સોના અને ચાંદીના ભાવમાં ભયંકર કડાકો નોંધાયો છે.

MCX પર સોના-ચાંદીના ભાવમાં મોટો ઘટાડો

સોનું : MCX પર ઓગસ્ટ ડિલિવરી વાળું સોનું લગભગ 2300 તૂટીને 1.43 લાખ પ્રતિ 10 ગ્રામના લેવલ પર આવી ગયું છે.

ચાંદી: સપ્ટેમ્બર ડિલિવરી વાળી ચાંદીમાં પણ 7000 નો તોતિંગ કડાકો બોલ્યો છે અને તે સસ્તી થઈને 2.23 લાખ પ્રતિ કિલોના ભાવે પહોંચી ગઈ છે.

બજાર ખુલતાની સાથે જ બંને ધાતુઓમાં ભારે દબાણ જોવા મળ્યું હતું, જેના પર ખરીદદારો અને રોકાણકારોની નજર ટકેલી છે.

ભાવ કેમ તૂટ્યા? જાણો મુખ્ય કારણો

અમેરિકા-ઈરાન યુદ્ધનો ખતરો: ડોનાલ્ડ ટ્રમ્પે સ્પષ્ટ જાહેરાત કરી દીધી છે કે ઈરાન સાથેનું સીઝફાયર હવે ખતમ થઈ ગયું છે. આ પછી અમેરિકાએ ઈરાન પર નવા સૈન્ય હુમલા કર્યા, જેનાથી મિડલ ઈસ્ટમાં તણાવ ચરમસીમાએ પહોંચ્યો છે.