સોનાનો ક્રેઝ ઘટ્યો? હવે Platinumમાં છે મોટી કમાણી! 146%ના ઉછાળા પછી આ સ્ટોક્સ પર રાખો નજર

Platinum Price India: શેરબજાર અને કોમોડિટી માર્કેટમાં અત્યારે જોરદાર એક્શન જોવા મળી રહી છે. સામાન્ય રીતે ભારતીય રોકાણકારો સોના પાછળ ગાંડા હોય છે, પરંતુ છેલ્લા થોડા સમયથી ટ્રેન્ડ બદલાયો છે. હવે રોકાણકારોનું ધ્યાન સોના પરથી હટીને 'પ્લેટિનમ' તરફ વળ્યું છે. પ્લેટિનમમાં આવેલી જબરદસ્ત તેજીએ માર્કેટમાં ગરમાવો લાવી દીધો છે.

પ્લેટિનમના ભાવમાં રેકોર્ડબ્રેક તેજી

તમને જણાવી દઈએ કે ડિસેમ્બરના છેલ્લા અઠવાડિયામાં પ્લેટિનમની કિંમતોએ ઈતિહાસ રચી દીધો છે. આ કિંમતી ધાતુ પોતાના રેકોર્ડ હાઈ લેવલ પર પહોંચી ગઈ છે. આંકડા પર નજર કરીએ તો, સ્પોટ પ્લેટિનમમાં લગભગ 3.3%નો ઉછાળો આવ્યો હતો અને તે 2,351 ડોલર પ્રતિ ઔંસના ભાવે બંધ થયું હતું.

આ તેજી કોઈ સામાન્ય વધારો નથી, પરંતુ આશરે 146% જેટલી તોફાની તેજી બાદ હવે લોકો વિચારતા થઈ ગયા છે કે આમાં રોકાણ કેવી રીતે કરવું? પ્લેટિનમમાં આવેલી આ ચમકે રોકાણકારોને સોનાની સરખામણીમાં એક નવો અને મજબૂત વિકલ્પ આપ્યો છે.

પ્લેટિનમ મોંઘું થઈ રહ્યું છે, પણ શું તમારે બજારમાં જઈને સીધું પ્લેટિનમ ખરીદવું જોઈએ? માર્કેટ એક્સપર્ટ્સનું માનવું છે કે સીધી ધાતુ ખરીદવાને બદલે, પ્લેટિનમ સાથે સંકળાયેલી કંપનીઓના શેરોમાં રોકાણ કરવું વધારે ફાયદાકારક બની શકે છે.

આ તેજી માત્ર થોડા સમય માટે હોય તેવું લાગતું નથી, પરંતુ લાંબા ગાળા માટે પણ આ એક મજબૂત સંકેત છે. તેથી, રોકાણકારોએ એવી કંપનીઓ પર નજર રાખવી જોઈએ જે પ્લેટિનમ અથવા કોપર જેવી ધાતુઓના બિઝનેસ સાથે જોડાયેલી હોય.

કયા શેરો પર રાખવી નજર?

શેરબજારમાં પ્લેટિનમ અને અન્ય કિંમતી ધાતુઓની તેજીનો સીધો ફાયદો અમુક ચોક્કસ કંપનીઓને મળી રહ્યો છે. જો તમે પણ આ તેજીનો લાભ લેવા માંગતા હોવ, તો નીચે મુજબના શેરો પર ફોકસ કરી શકો છો.

વેદાંતા (Vedanta): મેટલ સેક્ટરની આ દિગ્ગજ કંપની હંમેશા કોમોડિટીના ભાવ વધારાનો લાભ મેળવતી હોય છે.

હિન્દુસ્તાન કોપર (Hindustan Copper): પ્લેટિનમની સાથે સાથે અન્ય ઈન્ડસ્ટ્રીયલ મેટલ્સમાં આવેલી તેજી આ શેરને પણ સપોર્ટ કરી શકે છે.

ટાઈટન કંપની (Titan Company): જ્વેલરી સેક્ટરમાં ટાઈટન મોટું નામ છે અને પ્લેટિનમ જ્વેલરીની માંગ વધતા આ કંપનીને પણ ફાયદો થઈ શકે છે.

સોનાના ભાવ તો આસમાને છે જ, પણ હવે પ્લેટિનમ પણ રોકાણકારોને આકર્ષી રહ્યું છે. જો તમે તમારા પોર્ટફોલિયોમાં વૈવિધ્ય લાવવા માંગતા હોવ, તો પ્લેટિનમ સાથે સંકળાયેલા આ શેરો એક સારો વિકલ્પ સાબિત થઈ શકે છે. જોકે, કોઈપણ રોકાણ કરતા પહેલા તમારા ફાયનાન્શિયલ એડવાઈઝરની સલાહ લેવી હિતાવહ છે.

આ પણ વાંચો- Union Budget 2026: મિડલ ક્લાસ અને ખેડૂતોને થશે બલ્લે-બલ્લે? બજેટમાં ટેક્સથી લઈને સારવાર સુધી મળી શકે છે મોટી રાહત

ડિસ્ક્લેમર: (આ ઑફર જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.)