Get App

ઓક્ટોબરમાં ભારતનું તેલ અને ગેસનું આયાત બિલ 60% ઉછળીને 16 અબજ ડોલર પર પહોંચ્યું, દેશમાં રાંધણ ગેસનો વપરાશ ઘટ્યો

ઓક્ટોબર 2026માં ભારતનું તેલ અને ગેસનું આયાત બિલ 60% વધીને 16 અબજ ડોલર થઈ ગયું છે. જ્યારે દેશમાં રાંધણ ગેસના વપરાશમાં 12.3% નો ઘટાડો નોંધાયો છે.

MoneyControl Newsઅપડેટેડ Nov 22, 2026 પર 3:41 PM
ઓક્ટોબરમાં ભારતનું તેલ અને ગેસનું આયાત બિલ 60% ઉછળીને 16 અબજ ડોલર પર પહોંચ્યું, દેશમાં રાંધણ ગેસનો વપરાશ ઘટ્યોઓક્ટોબરમાં ભારતનું તેલ અને ગેસનું આયાત બિલ 60% ઉછળીને 16 અબજ ડોલર પર પહોંચ્યું, દેશમાં રાંધણ ગેસનો વપરાશ ઘટ્યો
લિક્વિફાઈડ નેચરલ ગેસની આયાત પાછળ 1.3 અબજ ડોલરનો ખર્ચ થયો હતો, જ્યારે સામે ભારતમાંથી પેટ્રોલિયમ પ્રોડક્ટ્સની નિકાસ કરીને દેશે 6.3 અબજ ડોલરની કમાણી કરી હતી.

આંતરરાષ્ટ્રીય બજારમાં કાચા તેલના ભાવમાં થયેલા તોતિંગ વધારાને કારણે ભારતના આયાત બિલમાં મોટો ઉછાળો આવ્યો છે. પેટ્રોલિયમ મંત્રાલય હેઠળ કામ કરતા 'પેટ્રોલિયમ પ્લાનિંગ એન્ડ એનાલિસિસ સેલ' દ્વારા જાહેર કરવામાં આવેલા આંકડા મુજબ, ઓક્ટોબર 2026 માં ભારતનું તેલ અને ગેસનું ચોખ્ખું આયાત બિલ 60% વધીને 16 અબજ અમેરિકન ડોલર પર પહોંચી ગયું છે.

બ્રેન્ટ ક્રૂડ ઓઈલની સરેરાશ કિંમત વાર્ષિક ધોરણે લગભગ બમણી થઈને 124.77 અમેરિકન ડોલર પ્રતિ બેરલ પર પહોંચી જવાને કારણે દેશનું આયાત બિલ વધ્યું છે. ઉલ્લેખનીય છે કે એક વર્ષ પહેલાં ઓક્ટોબર 2025 માં દેશનું તેલ અને ગેસનું નેટ ઈમ્પોર્ટ બિલ 10 અબજ ડોલર રહ્યું હતું.

ઓક્ટોબરમાં એકલા ક્રૂડ ઓઈલની આયાત પાછળ ખર્ચાયા 19.5 અબજ ડોલર

PPAC ના ડેટા અનુસાર, ઓક્ટોબર મહિનામાં ભારતની આયાત અને નિકાસની સ્થિતિ નીચે મુજબ રહી હતી.

બધા સમાચાર

+ વધુુ વાંચો