Platinum Rate Today: શુક્રવારે પ્લેટિનમના ભાવમાં આવ્યો મોટો ઉછાળો, સોનાના આસમાની ભાવ વચ્ચે જાણો 17 એપ્રિલના લેટેસ્ટ રેટ

Platinum Rate Today: જો તમે પણ લગ્નગાળાની સીઝનમાં પ્લેટિનમની જ્વેલરી ખરીદવાનું વિચારી રહ્યા છો, તો આ સમાચાર તમારા માટે છે. આજે 17 એપ્રિલ, શુક્રવારના રોજ પ્લેટિનમના ભાવમાં તેજી જોવા મળી છે. ગઈકાલની સરખામણીએ આજે પ્લેટિનમની કિંમતમાં મોટો ઉછાળો આવ્યો છે, જેના કારણે ગ્રાહકોના ખિસ્સા પર થોડો ભાર વધી શકે છે.

પ્લેટિનમના ભાવમાં 1000નો ઉછાળો

આજે શુક્રવારે પ્લેટિનમના ભાવમાં પ્રતિ 10 ગ્રામ દીઠ આશરે 1000 રૂપિયાનો વધારો થયો છે. આ વધારા બાદ હવે દેશમાં પ્લેટિનમની કિંમત 64,040 રૂપિયા પ્રતિ 10 ગ્રામ પર પહોંચી ગઈ છે. અગાઉ 15 એપ્રિલના રોજ 10 ગ્રામ પ્લેટિનમનો ભાવ 64,030 રૂપિયાની આસપાસ હતો, એટલે કે 1 ગ્રામ પ્લેટિનમ માટે તમારે અંદાજે 6,403 રૂપિયા ખર્ચવા પડતા હતા.

સોનાના ભાવ વધતા પ્લેટિનમની ડિમાન્ડ વધી

હાલમાં સોનાના ભાવમાં જે રીતે ભડકો થયો છે તેનાથી સામાન્ય માણસ માટે સોનું ખરીદવું મુશ્કેલ બન્યું છે. સોનાનો ભાવ અત્યારે 1.50 લાખ રૂપિયા (પ્રતિ 10 ગ્રામ) ના સ્તરને સ્પર્શી રહ્યો છે. આવી સ્થિતિમાં લોકોની ખરીદી કરવાની રીત પણ બદલાઈ રહી છે. પહેલા લોકો માત્ર 24 કેરેટ કે 22 કેરેટ સોનાનો આગ્રહ રાખતા હતા, પરંતુ હવે બજેટને ધ્યાનમાં રાખીને લોકો 18 કેરેટ, 14 કેરેટ અને હવે તો 9 કેરેટની જ્વેલરી પણ પસંદ કરવા લાગ્યા છે.

યુવાનોની પહેલી પસંદ પ્લેટિનમ

મોંઘવારીના જમાનામાં ગ્રાહકો હવે એવી જ્વેલરી શોધી રહ્યા છે જે દેખાવમાં સુંદર હોય અને ખિસ્સાને પણ પરવડે. આ જ કારણ છે કે જ્વેલર્સ હવે હળવી અને સ્ટાઇલિશ જ્વેલરી માર્કેટમાં ઉતારી રહ્યા છે. ખાસ કરીને યુવા પેઢીમાં પ્લેટિનમનો ક્રેઝ વધ્યો છે. તેના સિમ્પલ અને મોર્ડન ડિઝાઇન ઓફિસ વેર અને પાર્ટી વેર માટે બેસ્ટ માનવામાં આવે છે.