Indian Rupee Fall: ડોલર સામે રૂપિયો લથડ્યો, 94.95 ના સ્તરે ખૂલ્યો, જાણો કેમ વધી રહ્યું છે દબાણ અને આગળ શું થશે?

Indian Rupee Fall: ભારતીય ચલણ રૂપિયામાં નબળાઈનો દોર યથાવત રહ્યો છે. સપ્તાહના પ્રથમ દિવસે, એટલે કે સોમવારે  યુએસ ડોલર સામે રૂપિયો 94.95 ના સ્તરે ખૂલ્યો હતો. અગાઉ ગુરુવારે (30 એપ્રિલ) રૂપિયો 94.91 પર બંધ થયો હતો, જેની સરખામણીએ આજે તેમાં 4 પૈસાનો ઘટાડો જોવા મળ્યો છે.

તાજેતરના સત્રોમાં રૂપિયા પર ભારે દબાણ જોવા મળ્યું છે. છેલ્લા આઠ ટ્રેડિંગ દિવસોમાં જ રૂપિયામાં લગભગ 2% નો ઘટાડો થયો છે. નોંધનીય છે કે ગયા સપ્તાહે રૂપિયો 95.33 ના અત્યાર સુધીના સૌથી નીચલા સ્તરે  પહોંચી ગયો હતો.

કેમ ઘટી રહ્યો છે રૂપિયો?

રૂપિયાની આ નબળાઈ પાછળ મુખ્યત્વે બે મોટા કારણો જવાબદાર માનવામાં આવે છે.

ક્રૂડ ઓઈલના ભાવમાં વધારો: આંતરરાષ્ટ્રીય બજારમાં ક્રૂડ ઓઈલના ભાવમાં થતા ઉતાર-ચઢાવની સીધી અસર રૂપિયા પર પડી રહી છે. ઓઈલ રિફાઈનર્સ તરફથી ડોલરની સતત માગ રહેતી હોવાથી રૂપિયો નબળો પડી રહ્યો છે. હાલમાં બ્રેન્ટ ક્રૂડ જુલાઈ ફ્યુચર્સ 108 ડોલર પ્રતિ બેરલની આસપાસ ટ્રેડ થઈ રહ્યો છે. જોકે, અમેરિકી રાષ્ટ્રપતિ ડોનાલ્ડ ટ્રમ્પના હોર્મુઝ સ્ટ્રેટને લગતા નિવેદન બાદ ભાવમાં થોડી નરમાશ દેખાઈ હતી, પરંતુ સ્થિતિ હજુ પણ અનિશ્ચિત છે.

વિદેશી રોકાણકારોનો આઉટફ્લો: વિદેશી પોર્ટફોલિયો રોકાણકારો ભારતીય શેરબજારમાંથી સતત નાણાં પાછા ખેંચી રહ્યા છે. માત્ર એપ્રિલ મહિનામાં જ વિદેશી રોકાણકારોએ આશરે 6.5 બિલિયન ડોલર પાછા ખેંચ્યા છે. વર્ષ 2026 માં અત્યાર સુધીમાં કુલ 20.6 બિલિયન ડોલરનો આઉટફ્લો થયો છે, જે ગયા વર્ષના સ્તર કરતા પણ ઘણો વધારે છે.

આગળ શું છે સ્થિતિ?