Silver Price Today: ચાંદીના ભાવમાં મોટો કડાકો, ખરીદી કરતા પહેલા જાણી લો તમારા શહેરમાં શું છે લેટેસ્ટ રેટ

Silver Price Today: ભારતીય બજારમાં ચાંદીના ભાવમાં નોંધપાત્ર ઘટાડો જોવા મળ્યો છે. જો તમે તહેવારો કે લગ્નસરા માટે ચાંદી ખરીદવાનું વિચારી રહ્યા છો, તો આ તમારા માટે કામના સમાચાર છે. મલ્ટી કોમોડિટી એક્સચેન્જ પર આજના શરૂઆતી કારોબારમાં ચાંદીનો વાયદા ભાવ 1 ટકા એટલે કે 2556 રૂપિયા ઘટીને 2,33,100 રૂપિયા પ્રતિ કિલો પર આવી ગયો છે. ભારતમાં ચાંદીના ભાવમાં સતત બીજા દિવસે આ ઘટાડો નોંધાયો છે.

ઓલ ઇન્ડિયા સર્રાફા એસોસિએશનના જણાવ્યા અનુસાર, ગુરુવારે (13 ઓગસ્ટ) નવી દિલ્હીમાં ચાંદીના ભાવમાં 6,000 રૂપિયાનો મોટો કડાકો બોલાયો હતો, જેથી ભાવ ઘટીને 2.40 લાખ રૂપિયા પ્રતિ કિલો થઈ ગયો હતો. કિંમતી ધાતુઓમાં થયેલા મોટા પાયે વેચાણને કારણે આ ઘટાડો જોવા મળ્યો છે.

આંતરરાષ્ટ્રીય બજારમાં શું છે સ્થિતિ?

ગ્લોબલ માર્કેટની વાત કરીએ તો, COMEX પર ચાંદી 64.09 ડોલર પ્રતિ ઔંસ પર ટ્રેડ કરી રહી હતી. જે તેના અગાઉના ક્લોઝિંગ ભાવ (64.63 ડોલર) કરતા 1.39 ટકા એટલે કે 0.903 ડોલર ઓછો છે. આ દરમિયાન ચાંદીનો હાઈ લેવલ 64.88 ડોલર અને લો લેવલ 63.845 ડોલર પ્રતિ ઔંસ રહ્યો હતો.

ચાંદીમાં હાલ પ્રોફિટ બુકિંગ જોવા મળી રહ્યું છે. અમેરિકાની મોનેટરી પોલિસી નરમ પડવાની આશાએ રોકાણકારો નફો બુક કરી રહ્યા છે. અમેરિકાનો જુલાઈ મહિનાનો કન્ઝ્યુમર પ્રાઈસ ઈન્ડેક્સ અપેક્ષા મુજબ જ રહ્યો છે, છતાં બજાર હવે ફેડરલ રિઝર્વની પોલિસી અને આવનારા આર્થિક ડેટા પર નજર રાખી રહ્યું છે.

આ ઉપરાંત, ચાંદીની ઔદ્યોગિક માંગ પણ તેના ભાવ પર સીધી અસર કરે છે. ઇલેક્ટ્રોનિક્સ, સોલાર ઇક્વિપમેન્ટ અને અન્ય મેન્યુફેક્ચરિંગ સેક્ટરમાં ચાંદીનો વ્યાપક ઉપયોગ થાય છે. આથી, ગ્લોબલ ઇકોનોમિક આઉટલુક અને રોકાણકારોની માંગમાં થતો ફેરફાર ચાંદીના ભાવમાં વધઘટ લાવે છે.

ભારતના મુખ્ય શહેરોમાં ચાંદીના આજના લેટેસ્ટ ભાવ

ચાલો જાણીએ ગુજરાત સહિત દેશના મુખ્ય શહેરોમાં 10 ગ્રામ, 100 ગ્રામ અને 1 કિલો ચાંદીના ભાવ શું ચાલી રહ્યા છે.

અમદાવાદ, સુરત, વડોદરા: 10 ગ્રામ - 2,300 રૂપિયા | 100 ગ્રામ - 23,000 રૂપિયા | 1 કિલો - 2,30,000 રૂપિયા

દિલ્હી, મુંબઈ, કોલકાતા, ચેન્નઈ: 10 ગ્રામ - 2,300 રૂપિયા | 100 ગ્રામ - 23,000 રૂપિયા | 1 કિલો - 2,30,000 રૂપિયા

પટના, લખનૌ, જયપુર, ઇન્દોર: 10 ગ્રામ - 2,300 રૂપિયા | 100 ગ્રામ - 23,000 રૂપિયા | 1 કિલો - 2,30,000 રૂપિયા

લુધિયાણા: 10 ગ્રામ - 2,300 રૂપિયા | 100 ગ્રામ - 23,600 રૂપિયા | 1 કિલો - 2,30,000 રૂપિયા

ભારતમાં ચાંદીની આયાતમાં મોટો ઘટાડો

વાણિજ્ય મંત્રાલયના ડેટા મુજબ, દેશમાં ચાંદીની આયાત પણ ઘટી છે. જુલાઈ મહિનામાં ચાંદીની આયાત વાર્ષિક ધોરણે 66.1 ટકા ઘટીને 171.68 મિલિયન ડોલર થઈ ગઈ છે. જ્યારે એપ્રિલથી જુલાઈ વચ્ચે આયાત 50.81 ટકા ઘટીને 718.42 મિલિયન ડોલર રહી. આ ઘટાડા પાછળનું મુખ્ય કારણ સરકારે 13 મેના રોજ કિંમતી ધાતુઓ પરની આયાત ડ્યૂટી 6 ટકાથી વધારીને 15 ટકા કરી તે માનવામાં આવે છે.

આ પણ વાંચો-શેર બજાર અપડેટ: નિફ્ટીમાં ‘Buy on Dips'ની સ્ટ્રેટેજી કામ કરશે, Paytmનો શેર કરાવશે મોટી કમાણી! જાણો એક્સપર્ટ્સની માર્કેટ ટિપ્સ

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.