Silver Price Today: ક્રિસમસના દિવસે ચાંદીના ભાવમાં તોફાની તેજી, 1 કિલોનો ભાવ 2,34,000ને પાર, જાણો 25 ડિસેમ્બરના લેટેસ્ટ રેટ

Silver Price Today: આજે સમગ્ર દેશમાં જ્યારે નાતાલ (ક્રિસમસ) નો તહેવાર ઉજવાઈ રહ્યો છે, ત્યારે બુલિયન માર્કેટમાં ચાંદીના ભાવે ગ્રાહકોને મોટો ઝટકો આપ્યો છે. 25 ડિસેમ્બર 2025, ગુરુવારના રોજ ચાંદીના ભાવમાં ફરી એકવાર તેજી જોવા મળી છે. છેલ્લા માત્ર 4 દિવસના ટૂંકા ગાળામાં ચાંદીના ભાવમાં 20,000 રૂપિયા સુધીનો તોતિંગ વધારો નોંધાયો છે. આજે પણ બજાર ખુલતાની સાથે જ ચાંદી 1000 રૂપિયા મોંઘી થઈ છે, જેના કારણે દિલ્હી સહિત દેશના મોટા શહેરોમાં 1 કિલોગ્રામ ચાંદીનો ભાવ 2,34,000 રૂપિયાના રેકોર્ડ સ્તર પર પહોંચી ગયો છે. ખાસ કરીને ચેન્નાઈ જેવા શહેરોમાં તો ભાવ આસમાને પહોંચીને 2,45,000 રૂપિયા થઈ ગયો છે.

તેજી પાછળ કયા કારણો?

ચાંદીના ભાવમાં અચાનક આવેલી આ તેજી પાછળ અનેક વૈશ્વિક અને સ્થાનિક કારણો જવાબદાર છે. છેલ્લા 10 દિવસના ટ્રેન્ડ પર નજર કરીએ તો ભાવ સતત ઉપર જઈ રહ્યા છે. માર્કેટ એક્સપર્ટ્સના મતે, બજારમાં ચાંદીની માંગની સામે તેનો પુરવઠો (સપ્લાય) મર્યાદિત છે. સોલાર પેનલ, ગ્રીન એનર્જી અને અત્યાધુનિક ટેકનોલોજી ઈન્ડસ્ટ્રીમાં ચાંદીનો વપરાશ ખૂબ ઝડપથી વધી રહ્યો છે. આ ઉપરાંત, ચીન દ્વારા વર્ષ 2026 પછી ચાંદીના નિકાસ પર પ્રતિબંધ મૂકવાની જે આશંકા સેવાઈ રહી છે, તેણે પણ ભાવ વધારવામાં બળતણનું કામ કર્યું છે. રોકાણકારો હવે ચાંદીને માત્ર ઘરેણાં તરીકે નહીં, પણ ‘સુરક્ષિત રોકાણ’ માનીને ખરીદી રહ્યા છે અને સિલ્વર ETFમાં પણ મોટું રોકાણ આવી રહ્યું છે. અમેરિકામાં વ્યાજદરમાં ઘટાડાની આશાએ પણ કિંમતોને મજબૂતી આપી છે.

વર્ષ 2025નું વર્ષ ચાંદી માટે સુવર્ણ સાબિત થયું

વર્ષ 2025 રોકાણકારો માટે ચાંદીની દ્રષ્ટિએ સુવર્ણ વર્ષ સાબિત થયું છે. રિટર્નની બાબતમાં ચાંદીએ સોનાને પણ પાછળ રાખી દીધું છે. આંકડાકીય માહિતી મુજબ, વર્ષ 2025માં સોનાના ભાવમાં લગભગ 65 ટકાનો વધારો થયો છે, જ્યારે તેની સામે ચાંદીના ભાવમાં 120 ટકાથી વધુનો ઉછાળો આવ્યો છે. જ્યારે એક તરફ ઔદ્યોગિક માંગ વધે અને બીજી તરફ સપ્લાય ઓછી હોય ત્યારે ભાવ વધવા સ્વાભાવિક છે, અને હાલમાં બજારમાં આ જ સ્થિતિ જોવા મળી રહી છે.

દેશના મુખ્ય શહેરોમાં 25 ડિસેમ્બર 2025 ના રોજ 1 કિલોગ્રામ ચાંદીના ભાવ નીચે મુજબ રહ્યા:

* દિલ્હી: 2,34,000 રૂપિયા