SEBI મોટી કંપનીઓ માટે IPO નિયમોમાં કરી રહ્યું છે રાહત, રિટેલ ક્વોટા 35% પર યથાવત્

માર્કેટ રેગ્યુલેટર SEBIએ મોટી કંપનીઓને શેર માર્કેટમાં લિસ્ટિંગ માટેના નિયમોને સરળ બનાવવાનો પ્રસ્તાવ મૂક્યો છે. આ નવા નિયમો હેઠળ, કંપનીઓને પબ્લિક ઓફર અને મિનિમમ પબ્લિક શેરહોલ્ડિંગ (MPS) નિયમોમાં થોડી રાહત આપવામાં આવશે, જેથી ફંડ રેઝિંગ અને લિસ્ટિંગ પ્રક્રિયા સરળ બને. જોકે, રિટેલ ઇન્વેસ્ટર્સ માટેનો 35% ક્વોટા યથાવત્ રાખવામાં આવ્યો છે. અગાઉ આ ક્વોટાને 25% કરવાની ચર્ચા હતી, પરંતુ SEBIએ તેમાં કોઈ ફેરફાર ન કરવાનો નિર્ણય લીધો છે.

SEBI શું ફેરફારો કરશે?

SEBIના કન્સલ્ટેશન પેપર અનુસાર જે કંપનીઓનું માર્કેટ કેપિટલ 50,000 કરોડથી 1 લાખ કરોડ રૂપિયાની વચ્ચે છે, તેમને હવે 10% શેરની જગ્યાએ 8% શેર વેચવાની છૂટ મળી શકે છે. આ ઉપરાંત, 1 લાખ કરોડથી 5 લાખ કરોડ રૂપિયાની માર્કેટ કેપિટલ ધરાવતી કંપનીઓ માટે ન્યૂનતમ પબ્લિક ઓફર 6,250 કરોડ રૂપિયા અથવા પોસ્ટ-ઇશ્યૂ શેર કેપિટલના 2.75% નક્કી કરવામાં આવ્યું છે. જ્યારે 5 લાખ કરોડથી વધુ માર્કેટ કેપિટલ ધરાવતી કંપનીઓએ ઓછામાં ઓછું 15,000 કરોડ રૂપિયા અને 1% શેર ઓફર કરવા પડશે.

MPS પૂર્ણ કરવાની સમયમર્યાદામાં રાહત

SEBIએ મિનિમમ 25% પબ્લિક શેરહોલ્ડિંગ (MPS) પૂર્ણ કરવા માટેની સમયમર્યાદામાં પણ રાહત આપવાનો પ્રસ્તાવ મૂક્યો છે. 50,000 કરોડથી 1 લાખ કરોડની માર્કેટ કેપિટલ ધરાવતી કંપનીઓને આ નિયમ પૂર્ણ કરવા માટે 3 વર્ષની જગ્યાએ 5 વર્ષનો સમય મળશે.

જે કંપનીઓનું માર્કેટ કેપિટલ 1 લાખ કરોડથી વધુ છે, તેમને MPS નિયમનું પાલન ચરણબદ્ધ રીતે કરવાની સુવિધા મળશે. જો લિસ્ટિંગ સમયે પબ્લિક શેરહોલ્ડિંગ 15%થી ઓછું હશે, તો 5 વર્ષમાં તેને 15% સુધી વધારવું પડશે અને 10 વર્ષમાં 25% સુધી લઈ જવું પડશે. જો લિસ્ટિંગ સમયે 15%થી વધુ હશે, તો 5 વર્ષમાં 25% MPS હાંસલ કરવું પડશે.

આ નિયમો શા માટે બદલાઈ રહ્યા છે?