Bank Strike Cancelled: બેંક હડતાળ મોકૂફનો નિર્ણય આખરે કેવી રીતે લેવાયો? જાણો 5 દિવસીય વર્કિંગ પર શું લેવાયો નિર્ણય?

Bank Strike Cancelled: દેશના કરોડો બેંક ગ્રાહકો માટે એક મોટા અને રાહતના સમાચાર સામે આવ્યા છે. જો તમારું ખાતું પણ કોઈ બેંકમાં છે, તો આ સમાચાર તમારા માટે ખૂબ જ મહત્વના છે. 28 થી 30 સપ્ટેમ્બર સુધી ચાલનારી 3 દિવસીય દેશવ્યાપી બેંક હડતાળ હવે છેલ્લી ઘડીએ મોકૂફ દેવામાં આવી છે.

હડતાળ કેમ ટળી?

ઇન્ડિયન બેંક્સ એસોસિએશન (IBA) અને યુનાઇટેડ ફોરમ ઓફ બેંક યુનિયન્સ (UFBU) ના નેતાઓ વચ્ચે 27 સપ્ટેમ્બરે રાત્રે 9:30 વાગ્યે એક મહત્વની બેઠક યોજાઈ હતી. આ હાઈ-લેવલ મીટિંગમાં સકારાત્મક ચર્ચા થતાં હડતાળ પાછી ખેંચવાનો નિર્ણય લેવામાં આવ્યો છે. ખાસ વાત એ છે કે અગાઉ આ હડતાળને ધ્યાનમાં રાખીને ગ્રાહકોને તકલીફ ન પડે તે માટે રવિવારે પણ દેશની સરકારી બેંકો ચાલુ રાખવામાં આવી હતી.

શું 5 દિવસીય બેંકિંગની માંગ સ્વીકારાઈ?

બેઠકમાં લેવાયેલા અન્ય મુખ્ય નિર્ણયો:

યુનિયન દ્વારા બહાર પાડવામાં આવેલા સર્ક્યુલર મુજબ, નીચેના મુદ્દાઓ પર સહમતિ બની છે:

PLI સ્કીમમાં સુધારો: સ્કેલ 4 અને તેનાથી ઉપરના અધિકારીઓ માટે પર્ફોર્મન્સ લિંક્ડ ઇન્સેન્ટિવ (PLI) યોજનામાં યુનિયનોના વાંધાને ધ્યાનમાં રાખીને, IBA હવે સરકાર સમક્ષ નવા સુધારાનો પ્રસ્તાવ મુકશે.

બાકી રહેલા મુદ્દાઓનો ઉકેલ: અગાઉની બેઠકોમાં જે જૂના અને પડતર મુદ્દાઓ બાકી રહી ગયા હતા, તેનો પણ હવે ઝડપથી નિકાલ લાવવા માટે ચર્ચા કરવામાં આવશે.

"અમારો હેતુ ગ્રાહકોને હેરાન કરવાનો નથી"

યુનાઇટેડ ફોરમ ઓફ હિમાચલ પ્રદેશના કન્વીનર નરેન્દ્ર શર્માએ સ્પષ્ટ કર્યું છે કે, "અમારો ઈરાદો ગ્રાહકોને મુશ્કેલીમાં મૂકવાનો ક્યારેય નહોતો. અમે બેંકિંગ સેવાઓનું મહત્વ સારી રીતે જાણીએ છીએ. પરંતુ છેલ્લા 2.5 વર્ષથી અમારી વ્યાજબી માંગણીઓ લટકેલી હોવાથી અમારે વિરોધનો માર્ગ અપનાવવો પડ્યો હતો. હવે બેઠકમાં હકારાત્મક ચર્ચા થતાં અમે આંદોલન અને હડતાળ મોકૂફ રાખી છે."

બેંક કર્મચારીઓની હડતાળ પાછી ખેંચાવાથી સામાન્ય જનતા અને વેપારી વર્ગને મોટી રાહત મળી છે. 3 દિવસ બેંકો બંધ રહેવાથી મોટા આર્થિક વ્યવહારો અટકી જવાની જે શક્યતા હતી, તે હવે દૂર થઈ ગઈ છે અને તમામ બેંકિંગ કામકાજ રાબેતા મુજબ ચાલુ રહેશે.

આ પણ વાંચો- રાજકીય પાર્ટીઓને બ્લેક મનીનું ડોનેશન આપનારાઓના હવે ભોપાળા છૂટા પડશે! 2283 કરોડના કૌભાંડમાં CID અને ઈન્કમટેક્સની મેગા ડ્રાઈવ