Bloomberg Billionaires Index: અબજપતિઓની યાદીમાં મોટો ઉલટફેર! આ મહિલાની Top-10માં એન્ટ્રી, જાણો કોણ છે નંબર 1?

Bloomberg Billionaires Index 2026: દુનિયાભરના શેરબજારોમાં ચાલી રહેલી ઉથલપાથલની સીધી અસર હવે વિશ્વના સુપરરિચ લોકોની તિજોરી પર જોવા મળી રહી છે. બ્લૂમબર્ગ બિલિયોનેર ઇન્ડેક્સ (Bloomberg Billionaires Index) દ્વારા 16 ફેબ્રુઆરી, 2026ના રોજ જાહેર કરવામાં આવેલા તાજા આંકડા મુજબ, વિશ્વના સૌથી અમીર વ્યક્તિઓની યાદીમાં મોટા ફેરફારો થયા છે. વૈશ્વિક બજારોમાં ટેકનોલોજી કંપનીઓના શેરમાં આવેલા ઘટાડાને કારણે ઘણા દિગ્ગજોની સંપત્તિ ધોવાઈ ગઈ છે, તો બીજી તરફ અમુક નવા ચહેરાઓએ Top-10માં સ્થાન જમાવ્યું છે.

જેનસેન હુઆંગ યાદીમાંથી બહાર, વોલ્ટન પરિવારનો દબદબો

આ વખતના લિસ્ટમાં સૌથી ચોંકાવનારા સમાચાર એ છે કે NVIDIA જેવી કંપનીના સફળ નેતૃત્વકર્તા જેનસેન હુઆંગ હવે Top-10 અબજપતિઓની યાદીમાંથી બહાર ફેંકાઈ ગયા છે. તેમના સ્થાને રિટેલ બિઝનેસ સાથે સંકળાયેલા વોલ્ટન પરિવારે જોરદાર વાપસી કરી છે.

ખાસ કરીને એલિસ વોલ્ટન (Alice Walton) માટે આ રિપોર્ટ ખુશખબર લઈને આવ્યો છે. 154 અબજ ડોલર (Billion)ની જંગી સંપત્તિ સાથે તેમણે દુનિયાના 10મા સૌથી અમીર વ્યક્તિ તરીકે સ્થાન મેળવ્યું છે. આ સાથે જ Top-10માં વોલ્ટન પરિવારના ત્રણ સભ્યોનો દબદબો જોવા મળી રહ્યો છે:

* રોબ વોલ્ટન: 9મા ક્રમે (154 અબજ ડોલર)

* એલિસ વોલ્ટન: 10મા ક્રમે (154 અબજ ડોલર)

ઇલોન મસ્ક હજુ પણ 'કિંગ', સંપત્તિમાં થયો વધારો

એક તરફ જ્યાં અન્ય ટેક દિગ્ગજો સંપત્તિ ગુમાવી રહ્યા છે, ત્યાં ટેસ્લા અને સ્પેસએક્સના માલિક ઇલોન મસ્ક (Elon Musk) ની સંપત્તિ રોકેટ ગતિએ વધી છે. મસ્ક હાલમાં 677 અબજ ડોલરની નેટવર્થ સાથે વિશ્વના સૌથી ધનિક વ્યક્તિ તરીકે નંબર 1 પર અકબંધ છે. આર્થિક ઉથલપાથલ વચ્ચે પણ લેરી એલિસન (Larry Ellison) પણ પોતાની સંપત્તિ વધારવામાં સફળ રહ્યા છે અને તેઓ 213 અબજ ડોલર સાથે છઠ્ઠા સ્થાને છે.

ઝુકરબર્ગ અને જેફ બેઝોસને મોટો ફટકો

બ્લૂમબર્ગના રિપોર્ટ મુજબ, ગૂગલ, ફેસબુક (મેટા) અને એમેઝોન જેવી કંપનીઓના સ્થાપકોની સંપત્તિમાં ગાબડું પડ્યું છે.

* લેરી પેજ 263 અબજ ડોલર સાથે બીજા ક્રમે છે.

* સર્ગેઈ બ્રિન 245 અબજ ડોલર સાથે ત્રીજા સ્થાને છે.

* માર્ક ઝુકરબર્ગ 226 અબજ ડોલર સાથે ચોથા ક્રમે છે.

* જેફ બેઝોસ 225 અબજ ડોલર સાથે પાંચમા સ્થાને સરકી ગયા છે.

આ સિવાય લક્ઝરી ફેશન બ્રાન્ડના માલિક બર્નાર્ડ આર્નોલ્ટ 174 અબજ ડોલરની સંપત્તિ સાથે સાતમા ક્રમે રહ્યા છે. આમ, 2026ની શરૂઆતમાં જ અબજપતિઓની રેન્કિંગમાં મોટો ‘ગેમ ચેન્જ' જોવા મળ્યો છે.

આ પણ વાંચો- IND vs PAK: 3 મોટી ભૂલો જેણે પાકિસ્તાનની ઈજ્જત કાઢી, ભારત સામે હાર માટે કેપ્ટન સલમાન આગા વિલન