Class 12 Board Exam: સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ ધોરણ 12 ના વિદ્યાર્થીઓ અને શિક્ષકો માટે એક મહત્વપૂર્ણ નિર્ણય લીધો છે. બોર્ડ પરીક્ષાઓની ઉત્તરવહીઓ (Answer Sheets) તપાસવાની પદ્ધતિમાં બોર્ડે મોટો ફેરફાર કર્યો છે. CBSE એ ધોરણ 12 માટે ફરીથી 'ઓન-સ્ક્રીન માર્કિંગ' (OSM) સિસ્ટમ શરૂ કરવાનો નિર્ણય કર્યો છે. આ નિર્ણયનો મુખ્ય હેતુ પેપર ચેકિંગની પ્રક્રિયાને વધુ પારદર્શક, ઝડપી અને ચોકસાઈભરી બનાવવાનો છે.
CBSEનો મોટો નિર્ણય: ધોરણ 12 માટે ફરી શરૂ થશે ‘ઓન-સ્ક્રીન માર્કિંગ', જાણો પેપર ચેકિંગમાં શું બદલાશે?
Class 12 Board Exam: CBSEએ ધોરણ 12ની બોર્ડ પરીક્ષાઓ માટે મોટો નિર્ણય લીધો છે. હવે પેપર ચેકિંગ ઓન-સ્ક્રીન માર્કિંગ (OSM) દ્વારા થશે. જાણો આ નવી ડિજિટલ સિસ્ટમ શું છે અને તેનાથી વિદ્યાર્થીઓને શું ફાયદો થશે.
અપડેટેડ 12:09:12 PM Feb 12, 2026 પર
Class 12 Board Exam: CBSEએ ધોરણ 12ની બોર્ડ પરીક્ષાઓ માટે મોટો નિર્ણય લીધો છે.
ક્યારથી લાગુ થશે આ નિયમ?
CBSE દ્વારા આ અંગે તમામ સંલગ્ન શાળાઓના પ્રિન્સિપાલ અને હેડને એક સર્ક્યુલર મોકલીને જાણ કરવામાં આવી છે. આ નવી વ્યવસ્થા મુજબ, વર્ષ 2026 થી ધોરણ 12 ની ઉત્તરવહીઓનું મૂલ્યાંકન ડિજિટલ સિસ્ટમ દ્વારા કરવામાં આવશે. જોકે, ધોરણ 10 ના વિદ્યાર્થીઓ માટે અત્યારે કોઈ ફેરફાર નથી; તેમની ઉત્તરવહીઓ હાલની જેમ ફિઝિકલ મોડમાં જ તપાસવામાં આવશે. એટલે કે ધોરણ 12 ની કૉપી હવે ડિજિટલી ચેક થશે.
શું છે ઓન-સ્ક્રીન માર્કિંગ (OSM)?
ઘણા વાલીઓ અને વિદ્યાર્થીઓના મનમાં સવાલ હશે કે આ ઓન-સ્ક્રીન માર્કિંગ વળી શું છે? તો તમને જણાવી દઈએ કે, OSM એક ડિજિટલ સિસ્ટમ છે. આ પદ્ધતિમાં વિદ્યાર્થીઓની ઉત્તરવહીઓને સ્કેન કરવામાં આવે છે. ત્યારબાદ શિક્ષકો આ સ્કેન થયેલી કોપીને કમ્પ્યુટર સ્ક્રીન પર તપાસે છે.
આમાં સૌથી સારી વાત એ છે કે માર્ક્સની ગણતરી (Totaling) શિક્ષકે હાથેથી કરવી પડતી નથી, પરંતુ સોફ્ટવેર દ્વારા માર્ક્સ આપમેળે કેલ્ક્યુલેટ થઈ જાય છે.
આ સિસ્ટમના મોટા ફાયદા
CBSEનું માનવું છે કે જૂની પદ્ધતિ કરતા આ નવી ડિજિટલ સિસ્ટમ ઘણી ફાયદાકારક રહેશે:
સરવાળાની ભૂલો થશે ગાયબ: ઘણીવાર શિક્ષકોથી ટોટલ કરવામાં ભૂલ થતી હોય છે, પરંતુ સોફ્ટવેરના કારણે હવે 'ટોટલિંગ એરર' નીકળી જશે.
ઝડપી પરિણામ: ડિજિટલ પ્રોસેસ હોવાથી મૂલ્યાંકન ઝડપથી થશે અને રિઝલ્ટ તૈયાર કરવામાં ઓછો સમય લાગશે.
ચોકસાઈ: ઓટોમેટેડ કોઓર્ડિનેશનને કારણે મેન્યુઅલ હસ્તક્ષેપ ઘટશે, જેથી ભૂલ થવાની શક્યતા નહિવત રહેશે.
17 ફેબ્રુઆરીથી શરૂ થઈ રહી છે પરીક્ષાઓ
આપને જણાવી દઈએ કે, CBSE ધોરણ 10 અને 12 ની બોર્ડ પરીક્ષાઓ 17 ફેબ્રુઆરીથી શરૂ થઈ રહી છે. ભારત અને વિદેશના 26 દેશોમાં આવેલી 31,000 થી વધુ શાળાઓના વિદ્યાર્થીઓ આ પરીક્ષા આપશે. આ પરીક્ષાઓ 17 ફેબ્રુઆરીથી લઈને 10 એપ્રિલ સુધી ચાલશે. આંકડાઓની વાત કરીએ તો, દેશ-વિદેશના 8074 જેટલા સેન્ટર્સ પર અંદાજે 46 લાખ વિદ્યાર્થીઓ આ પરીક્ષા આપવા જઈ રહ્યા છે.
વિદ્યાર્થીઓને સલાહ આપવામાં આવે છે કે પરીક્ષા અને પરિણામ સંબંધિત કોઈપણ નવીનતમ અપડેટ માટે તેઓ નિયમિતપણે CBSE ની સત્તાવાર વેબસાઈટ ચેક કરતા રહે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
