Shakti Cyclone Update: શક્તિ વાવાઝોડું નબળું પડ્યું, ગુજરાત પર અસર નહિવત, પણ કાંઠા વિસ્તારોમાં પડી શકે છે ભારે વરસાદ

Shakti Cyclone Update: અરબી સમુદ્રમાં તણાવ ફેલાવતું 'શક્તિ' વાવાઝોડું હવે નબળું પડીને ચક્રવાતી તોફાનમાં બદલાઈ ગયું છે. ભારતીય હવામાન વિભાગના લેટેસ્ટ અપડેટ મુજબ છેલ્લા 6 કલાકમાં તે 5 kmphની સ્પીડે દક્ષિણ તરફ વળ્યું છે. આજે સવારે 05:30 કલાકે તે પશ્ચિમ-મધ્ય અને ઉત્તર-પશ્ચિમ અરબી સમુદ્રમાં કેન્દ્રિત હતું. રાહતની વાત કે, ગુજરાત તરફ આવતા તેની તીવ્રતા ઘટી જશે અને રાજ્ય પર અસર લગભગ નહીં જોવા મળે.

વાવાઝોડાનું લેટેસ્ટ સ્ટેટસ અને આગાહી

IMDના ડાયરેક્ટરના જણાવ્યા પ્રમાણે, ગંભીર ચક્રવાતી તોફાન 'શક્તિ' હવે સામાન્ય ચક્રવાતી તોફાન બન્યું છે. તે 7 ઓક્ટોબરના બપોર સુધીમાં વધુ નબળું પડીને ડિપ્રેશનમાં ફેરવાઈ જશે. જો કે, સમુદ્રમાં હજુ પણ દરિયામાં તોફાની સ્થિતિ રહેશે, તેથી માછીમારોને 8 ઓક્ટોબર સુધી દરિયામાં ન જવાની સલાહ છે. ગુજરાતના કાંઠા જિલ્લાઓમાં 40થી 55 kmphની સ્પીડે પવન ફૂંકાશે, જે તોફાની પવન તરીકે જાણીતા છે. રાજ્યના આંતરિક વિસ્તારોમાં કોઈ મોટી અસર નથી, પણ આડકતરી અસરથી વરસાદની શક્યતા છે.

ગુજરાતમાં વરસાદની તાજી આગાહી